युवालाई उत्पादनसंग जोड्छु : उम्मेदवार श्रेष्ठ

नेकपा एमाले व्यास नगरपालिका-५ मा एमालेको तर्फबाट वडाध्यक्षका उम्मेदवार विष्णुकुमार श्रेष्ठ हिमालले युवालाई उत्पादनसँग जोड्ने बताएका छन् । व्यास-५ को चुदेरमा आयोजित आमसभालाई सम्वोधन गर्दै उम्मेदवार श्रेष्ठले युवापुस्तालाई उत्पादनसँग नजोडी परिवर्तन सम्भव नहुने बताउँदै वडाको समृद्धिका लागि युवालाई उत्पादनसंग जोड्ने प्रतिवद्धता जनाएका हुन् ।

प्रविधिको प्रयोग गरी नयाँ पुस्तालाई उत्पादनमा जोडेर आत्मनिर्भर वन्न सकिने बताउँदै श्रेष्ठले कृषिमा अपार सम्भावना रहेको छ तर यसको महत्व युवा पुस्तालाई बुझाउन नसक्दा युवा पलायन हुने अवस्था भएकाले आफनो पहिलो योजना युवामैत्री वडा बनाउने छ ।

परम्परावादी उत्पादन प्रणालीले जीवनमा उल्लेख्य परिवर्तन गर्न असम्भव रहेको हुँदा प्रविधियुक्त र व्यवसायिक उत्पादनमा लाग्न नेकपा एमाले वडा नं ५ का वडाध्यक्ष राजकुमार श्रेष्ठले वताए । निरन्तरताका नाममा नविनतम नहुँदा कृषकको जीवनस्तर उकास्न सकेन ।

त्यसैले हाम्रो पहिलो प्रयास युवा र उत्पादन संगसंगै हुने श्रेष्ठले बताए । चुनावी घरदैलोको क्रममा नेकपा एमाले तनहुँका जिल्ला कमिटी सदस्य प्रेम प्रसाद पौडेल, जिल्ला सल्लाहकार सदस्य दिपेन्द्र शाहीले चुनावी सभालाई सम्वोधन गरेका थिए।

सेयर गर्नुहोस्

प्रतिक्रिया दिनुहोस्

सम्बन्धित खवर