भानु–५ मा वडास्तरीय कृषि सञ्जाल गठन
भानु : तनहुँको भानु नगरपालिका वडा नं. ५ मा कृषकहरूको हकहित संरक्षण, कृषि क्षेत्रको समग्र विकास तथा कृषकहरूबीच समन्वय र सहकार्य अभिवृद्धि गर्ने उद्देश्यले वडास्तरीय कृषि सञ्जाल गठन गरिएको छ । नवगठित सञ्जालको संयोजकमा प्रेम बहादुर शाही चयन भएका छन् ।
त्यसैगरी सहसंयोजकमा लक्ष्मी न्यौपाने, सचिवमा विकास के.सी., सहसचिवमा जमुना खड्का तथा कोषाध्यक्षमा अनिता श्रेष्ठ चयन भएका छन् । समितिका सदस्यहरूमा चन्द्र बहादुर भण्डारी, अमर कुमार थापा, श्याम कुमार श्रेष्ठ, अति कुमार श्रेष्ठ तथा केशव अधिकारी रहेका छन् ।
यसैगरी सञ्जालको सल्लाहकार समितिमा वडा अध्यक्ष नहकुल अधिकारी, समाजसेवी कृष्णभक्त अर्याल तथा समाजसेवी सुरेन्द्र श्रेष्ठ रहेका छन् । नवगठित सञ्जालले कृषकहरूका साझा समस्या समाधान, कृषि उत्पादन तथा उत्पादकत्व वृद्धि, आधुनिक कृषि प्रविधिको विस्तार र कृषकहरूबीच सहकार्य तथा समन्वयलाई थप प्रभावकारी बनाउने अपेक्षा गरिएको छ ।
स्थानीय कृषकहरूले सञ्जाल गठनले कृषि क्षेत्रमा देखिएका चुनौती समाधान गर्न सहयोग पुग्ने तथा कृषकहरूको आवाज सम्बन्धित निकायसम्म पु¥याउन महत्वपूर्ण भूमिका खेल्ने विश्वास व्यक्त गरेका छन् ।
