उद्यमशिलता तालिमबाट लघु उद्यमि सृजना हुँदै

• भञ्ज्याङ समाचारदाता (म्याग्दे)

तनहुँको म्याग्दे गाउँपालिकाले गरिबी निवारणका लागि लघु उधम विकास कार्यक्रम (मेड्पा) अन्तर्गतको उधमशिलता विकास तालिम सञ्चालन गरेको छ । गाउँपालिकाको वडा नं. ४ मा सञ्चालन गरिएको तालिम विहीबार एक कार्यक्रमका बीच सम्पन्न गरिएको छ । तालिममा सहभागिहरुलाई प्रमाणपत्र वितरण गर्दै गाउँपालिकाकी अध्यक्ष मायादेवी रानाले लघु, घरेलु तथा साना उद्यमि सृजनाका लागि उधमशिलता विकास र सीप विकास तालिम प्रभाबकारि हुने विश्वास व्यक्त गरेकी छन् । अध्यक्ष रानाले लघु घरेलु तथा साना उद्योगको विकास र विस्तार अहिलेको आवश्यकता रहेकाले सीप सिकेर व्यवसाय गर्न दिगो आर्थिक विकास हुने बताएकी छन् ।

कार्यक्रममा गाउँपालिकाका उपाध्यक्ष वालकृष्ण घिमिरेले स्वरोजगार बन्ने गरी सीप सिक्न सहभागिलाई आग्रह गरेका छन् । स्थानीय कच्चा पदार्थमा आधारित सीप सिक्दा उद्यमिले सीप विकास तालिम पश्चात् व्यवसाय गरन सक्ने उपाध्यक्ष घिमिरेले बताए ।

गरिबी निवारणका लागि लघु उद्यम विकास कार्यक्रमबाट गाउँपालिकामा नयाँ उद्यमि सृजना गर्न उद्यमशिलता विकाश तालिम कार्यक्रम निकै प्रभावकारि हुने प्रमुख प्रशासकीय अधिकृत नारायण प्रसाद अधिकारीले बताए । लघु, घरेलु, तथा साना उद्योगहरू सचालन गर्न सीप सिके पश्चात कम लगानिमा घरघरमै उद्योग सचालन गर्न सकिने भएकाले उद्यमिको चहना अनुसार कुसल प्रशिक्षकबाट सीप सिकाई उद्यमि सृजना गर्ने उनले बताए ।

वडा नं. ४ का वडा सदस्य बदिका घिमिरेको सभापतित्वमा आयोजित तालिम समापन कार्यक्रममा वडा नं. ४ का अध्यक्ष प्रेम वहादुर थापा, शुष्मा नागिला, पवन कुमार तिवारी लगायतकाले व्यवसाय सचालनका लागि उद्यमशिलता तालिमले उद्यमि सृजनाका लागि महत्वपूर्ण भुमिका खेल्ने बताएका छन् ।

त्यस्तै, उद्योग विकास शाखा प्रमुख प्रदिप न्यौपानेले उद्यमशिलता तालिम लिएकालाई सिपविकास तालिममा सहभागी बनाउने र यस तालिममा ४२ जना सहभागि भएको बताए । गाउँपालिकाले यस वर्ष नयाँ उद्यमि ९० र स्तरोउन्नति ५० गरी १३० उद्यमि यस वर्ष सृजना गर्ने लक्ष्य रहेको न्यौपानेले बताए ।

सेयर गर्नुहोस्

प्रतिक्रिया दिनुहोस्

सम्बन्धित खवर