पुनः प्रयोगयोग्य प्याड निर्माण तालिम
तनहुँको ऋषिङ गाउँपालिका स्वास्थ्य शाखाले सञ्चालन गरेको æमहिनावारी स्वच्छता तथा पुनः प्रयोगयोग्य कपडा प्याड बनाउने तालिमÆमा सहभागि स्थानीय महिलाहरु । जैसिहटिया आधारभूत स्वास्थ्य सेवा केन्द्रमा आयोजित उक्त तालिममा १० देखि ४० वर्ष उमेर समूहका ३५ जना महिलाहरूको सक्रिय सहभागिता रहेको थियो ।
सहभागी महिलाहरूले आफ्नै हातले पुनः प्रयोग गर्न मिल्ने कपडा प्याड तयार गर्दै महिनावारीलाई लाज नभई स्वास्थ्य र सम्मानसँग जोड्नुपर्ने सन्देश प्रवाह गरेका छन् । तालिमका क्रममा महिनावारी सम्बन्धी सरसफाइ, सुरक्षित व्यवहार, वातावरणमैत्री विकल्पको प्रयोग तथा स्वास्थ्य सचेतनाबारे जानकारी प्रदान गरिएको थियो ।
साथै, स्थानीय स्तरमै प्याड निर्माण गर्न सकिने सीपले महिलाहरूलाई आर्थिक र व्यवहारिक रूपमा पनि सशक्त बनाउने विश्वास लिइएको छ। यस्ता कार्यक्रमहरूले महिलाहरूको स्वास्थ्य सुधार, आत्मविश्वास अभिवृद्धि तथा स्वच्छ जीवनशैली प्रवद्र्धनमा महत्वपूर्ण योगदान पुग्ने स्वास्थ्य शाखाले जनाएको छ । तस्विर : भञ्ज्याङ
