तनहुँमा निषेधाज्ञा लम्ब्याउने : परीक्षा सञ्चालन तथा रेष्टुरेन्ट ४ बजेसम्म खुल्ने (के के भए सिफारिस ?)
भञ्ज्याङ न्यूज
तनहुँमा निषेधाज्ञालाई थप खुकुलो बनाउँदै लगिएको छ । जिल्ला कोभिड संकट व्यवस्थापन समितिले निषेधाज्ञा थप खुकुलो बनाउँदै साउन २० गतेसम्म लम्ब्याउन जिल्ला प्रशासन कार्यालय तनहुँलाई सिफारिस गरेको छ ।
समितिले स्वास्थ्य मापदण्ड पुरा गरी होटलमा ५० प्रतिशतसम्म पाहुना राख्न दिने व्यवस्था मिलाउन सिफारिस गरेको छ । शुक्रबार बसेको समितिको बैठकले व्यवसायीले आफूहरु संकटमा परेको भन्दै स्वास्थ्य मापदण्डको पालना गर्दै व्यवसाय खुल्न दिने वातावरण मिलाउन माग गरेपछि उक्त सिफारिस गरेको हो ।
व्यवसायीहरुको माग अनुसार जिल्ला कोभिड संकट व्यवस्थापन समितिले जिल्ला प्रशासन कार्यालयलाई सिफारिस गरेको छ ।
कोरोना भाइरसको संक्रमण जोखिम तनहुँमा कायमै रहेको भन्दै आगामी साउन २० गतेसम्म निषेधाज्ञा लम्ब्याउन र बिहान ५ बजेदेखि दिउँसो ४ बजेसम्म रेष्टुरेन्ट तथा खाजाघर संचालन गर्न दिन सिफारिस गरिएको छ ।
