घर प्लाष्टर गर्ने खट भाँचिदा दुइ मजदुर घाइते
भञ्ज्याङ न्यूज
घर प्लाष्टर गर्न तयार गरिएको खट भाँचिदा दुइ जना मजदुर गम्भिर घाइते भएका छन् । तनहुँको व्यास-३ स्थित बीसघरेमा साढे दुइ तले घरको प्लाष्टर गर्ने क्रममा खट भाँचिएको थियो ।
खट भाँचिदा ऋषिङ गाउँपालिका-१ झापुटार निवासी ३९ बर्षीय इश्वर थापा र सोही स्थान निवासी ४७ बर्षीय रामबहादुर थापा घाइते भएका छन् ।
व्यास-३ बिसघरे बस्ने फुलमाया रानाभाटको घरको साढे दुइ ढलानमा प्लाष्टर गर्ने क्रममा खट भाँचिएर तल खस्दा इश्वरको दायाँ खुट्टाको साप्रामा र रामबहादुरको मेरुदण्डमा गम्भीर समस्या देखिएको बताइएको छ ।
घाइते दुबैको दमौली अस्पतालमा सामान्य उपचार पश्चात लेखसिटी पोखरा रिफर गरिएको जिल्ला प्रहरी कार्यालय तनहुँका प्रहरी नायव उपरीक्षक युवराज तिमिल्सेनाले जानकारी दिनुभयो ।
