तनहुाको आँबुखैरेनी गाउँपालिका-१ स्थित आँदिमुलमा ठुलो एकादशी मेला हुने

तनहुँको आँवुखैरेनी गाउँपालिका-१ स्थित आँदिमूल मन्दिरमा यसवर्ष ठूलो एकादशी मेला लाग्ने भएको छ । पृथ्वी राजमार्गको सत्रसय र याम्पाफाँटबाट करिब ४० मिनेटको पैदल दुरी र २० मिनेटको सवारीसाधनबाट मन्दिरमा पुग्न सकिन्छ । आँदिमूल बाराही देबी मन्दिरमा यस वर्ष मेला लाग्ने वडाअध्यक्ष किसन थापाले बताए । कोरोना संक्रमण जोखिमका कारण गत वर्ष आँदिमुल (आँदिबराही) मन्दिरमा मेला लागेको थिएन ।

हरेक ठूलो एकादशीका दिन हजारौंको संख्यामा भक्तजन र मेला भर्नेको भिड लाग्ने गर्दछ । उक्त मन्दिरमा ठूलो एकादशीका दिन टाढा-टाढाबाट बाजागाजा सहित फूलको डोली भित्र्याउने चलन छ । यस वर्ष भने कोरोनाको असर न्यून देखिएकाले मेला लाग्न लागेको आँदिमुल मन्दिर संरक्षण समितिका अध्यक्ष पदमराज अधिकारीले जानकारी गराए ।

सेयर गर्नुहोस्

प्रतिक्रिया दिनुहोस्

सम्बन्धित खवर