कोरोनाबाट १४ जनाको मृत्यु, ८ हजार ७२३ निको
नेपालमा पछिल्लो २४ घण्टामा कोरोना भाइरस संक्रमणबाट १४ जनाको मृत्यु भएको छ । स्वास्थ्य तथा जनसंख्या मन्त्रालयले बिहीबार दिएको जानकारीअनुसार देशभरमा १४ जनाको मृत्यु भएको हो ।
मन्त्रालयका अनुसार एन्टिजेन र पीसीआर विधिबाट गरिएको १२ हजार ६०५ परीक्षणमा ३ हजार १७५ मा कोरोना पोजिटिभ देखिएको छ। २४ घण्टामा निको हुनेको संख्या भने ८ हजार ७२३ रहेको छ ।
कुन जिल्लामा कति संक्रमित थपिए ?
स्वास्थ्य मन्त्रालयका अनुसार सबैभन्दा धेरै कास्कीमा १९६, मोरङमा ८५, झापामा ७६, रुपन्देहीमा ६७, काभ्रेपलाञ्चोकमा ५१, चितवनमा ५८ र बाँकेमा ५० जनामा कोरोना संक्रमण पुष्टि भएको छ ।
यस्तै तनहुँमा ४०, स्याङ्जामा ३४, दाङमा २९, मकवानपुरमा २६, कञ्चनपुरमा २४, बागलुङमा २२ र बर्दियामा २० जना कोरोना संक्रमित थपिएको मन्त्रालयले जनाएको छ ।
हालसम्म सक्रिय संक्रमितको संख्या ६३ हजार २९६ रहेको छ । २४ घण्टामा २ लाख ६६ हजार ५४० ले खोप लगाएका छन् ।
