तनहुँ जिल्ला लिग फुटबल प्रतियोगिताको खेलतालिका सार्वजनिक
भञ्ज्याङ न्यूज
फागुन ३ गतेदेखि सञ्चालन गरिने तनहुँ जिल्ला लिग फुटबल प्रतियोगिताको खेल तालिका सार्वजनिक गरिएको छ । तनहुँ जिल्ला फुटबल संघ (एन्फा)ले शनिबार गोलाप्रथाबाट जिल्ला लिगको तालिका र्सार्वजनिक गरेको हो ।
संघ आयोजनामा हुन लागेको लिगमा (ए) समूहमा बन्दीपुर-४ स्थित अजम्बरी युवा क्लव, आँबुखैरेनीस्थित अकला युवा क्लव, व्यासस्थित हैरान्स क्लव, दोभान युवा क्लव र आँबुखैरेनीस्थित मर्स्याङ्दी युवा क्लव रहेका छन्।
यस्तै, (बि) समूहमा आँबुखैरेनीस्थित पुलजीप युवा क्लव, भिमादस्थित भिमाद युवा क्लव, शुक्लागण्डकीस्थित खैरेनीटार युवा क्लव, व्यासस्थित नवमित्रता युवा क्लव र आँबुखैरेनीस्थित अलस्टार क्लव रहेको तनहुँ जिल्ला फुटबल संघका उपमहासचिव टिकाराम पनेरुले बताए ।
युवा क्लव भिमादको सहआयोजनामा भिमाद रङ्गशालामा सञ्चालन गरिने प्रतियोगितामा प्रथम हुनेलाई नगद रु एक लाख र द्वितीय हुनेलाई नगद रु ५० हजार र ट्रफी, मेडल र प्रमाणपत्र प्रदान गरिनेछ । एन्फासँग आबद्ध भएका दश वटा क्लवलाई रु १५ हजारका दरले प्रदान गरिने बताइएको छ ।
