तल्लो सेती जलविद्युत आयोजनाको क्षेत्र निर्धारण गर्न सुझाव माग

तनहुँमा निर्माण गर्न लागिएको १२६ मेगावाटको तल्लो सेती जलविद्युत आयोजनाको वातावरणीय प्रभाव मुल्याङ्कन क्षेत्र निर्धारण गर्न राय/सुझाव माग गरिएको छ । तनहुँ हाइड्रो पावर कम्पनीले निर्माण गर्न लागेको आयोजनाको क्षेत्रधिकार निर्धारण गर्न सरोकारवालासँग राय/सुझाव माग गरिएको हो ।

स्थानीय सरोकारवालासँग आयोजना निर्माण गर्दा पर्न सक्ने भौतिक, जैविक, सामाजिक, आर्थिक तथा सांस्कृतिक वातावरणीय प्रभावका सम्बन्धमा रायसुझाव मागिएको छ । प्रस्तावित आयोजनाबाट प्रभावित हुने गाउँपालिका, नगरपालिका, तथा त्यहाँका विद्यालय, अस्पताल, स्वास्थ्य चौकी एवं सरोकारवाला व्यक्तिसँग एक साताभित्र प्राप्त हुने गरी रायसुझाव पठाउन भनिएको छ ।

आयोजनाबाट बन्दिपुर गाउँपालिका वडा नम्बर ६, देवघाट गाँउपालिकाको वडा नम्बर ३ अवस्थित सारङघाट नजिकै रहेको सेती नदीमा ३२ मिटर अग्लो बाँध निर्माण गरिनेछ । पानीको प्रवाहलाई देवघाट गाउँपालिकाको वडा नम्बर ३ र ४ हुँदै जाने ६.८ किलोमिटर लामो सुरुङमार्फत त्रिशुली र सेती नदीको संगमदेखि करिब ५ सय मिटर तल्लो तटिय क्षेत्रमा पर्ने देवघाट गाउँपालिकाको वडा नम्बर ४ मा त्रिशुली नदीको दायाँ किनारामा बन्ने अर्ध भुगिगत विद्युतगृहमा खसाली १२६ मेगावाट विद्युत उत्पादन गरिनेछ ।

आयोजनाबाट बन्दीपुरको ६, व्यासको १४, देवघाटको ३, ४, २, रिसिङको १, २, आबुखैरेनीको ५, ६ र भरतपुरको २९ नम्बर वडा प्रवाभ गर्न सक्ने कम्पनीले जनाएको छ । प्रभावित स्थानीयले आगामी ७ दिनभित्र कम्पनीको कार्यालय र परामर्श दाताको कार्यालय जोइन्ट भेन्चर अफ डब्लुएपीसीओएस लिमिटे, निप्पोन कोई लिमिटेडको कार्यालयमा प्राप्त हुने गरी पठाउनु पर्नेछ ।

सेयर गर्नुहोस्

प्रतिक्रिया दिनुहोस्

सम्बन्धित खवर