आगलागीको क्षतिको विवरण संकलन गर्न समिति गठन

व्यास नगरपालिकाले वडा नं. ४ स्थित मुख्यचोकमा आइतबार भएको आगलागीबाट क्षति भएको विवरण संकलनका लागि समिति गठन गरेको छ । आगलागीबाट हार्डवेयरको गोदाम र व्यक्तिको घरमा भएको क्षतिको विवरण संकलनका लागि नगरपालिकाले तीन सदस्यीय समिति गठन गरेको हो ।

नगरपालिकाका घरनक्सा शाखाका प्रमुख इन्जिनियर अमृत केसीको संयोजकत्वमा जिल्ला प्रहरी कार्यालय तनहुँका प्रहरी निरीक्षक कुमार गुरुङ र उद्योग वाणिज्य संघ दमौली बजार इकाईका सचिव माधव न्यौपाने सदस्य रहेको समिति गठन गरिएको नगरपालिकाले जनाएको छ ।

गोदाम, व्यक्तिका घर लगायतमा भएको क्षतिको यथार्थ विवरण संकलन गरी फागुन २६ गतेभित्र पेश गर्न समयावधि तोकिएको नगरपालिकाका प्रमुख प्रशासकीय अधिकृत डिल्लीराम सिग्देलले बताए । आगलागीबाट भूपाल हार्डवेयर, ज्योति सप्लायर्स, क्या. बलराम राना, होमबहादुर गुरुङ, राममाया गुरुङ, लालबहादुर गुरुङ, चन्द्रमाया विक, दिपक श्रेष्ठको घरमा क्षति पुगेको बताइएको छ ।

सेयर गर्नुहोस्

प्रतिक्रिया दिनुहोस्

सम्बन्धित खवर