पहिरोले तनहुँको श्रृंग मोटरमार्ग भाँसिएपछि मर्मत गरी सुचारु गराउने काम जारी
भञ्ज्याङ न्यूज
तनहुँको दक्षिण क्षेत्रमा पर्ने श्रृंग मोटरमार्ग अन्तर्गत देउराली-सुनाकोट सडकखण्ड पहिरोका कारण अवरुद्व बनेपछि यहाँका तीन पालिका मिलेर खोल्ने प्रयासमा लागेका छन् ।
जिल्लाको घिरिङ गाउँपालिका, भिमाद नगरपालिका र ऋषिङ गाउँपालिकाको साझेदारी लागतमा मंगलबारदेखि सडक खोल्ने कार्य अघि बढाइएको हो । गत मंगलबार परेको अविरल वर्षाका कारण सडक भासिएपछि अवरुद्ध सडकका कारण ठूला यातायातका सवारीसाधान ठप्प हुँदै आएको घिरिङ गाउँपालिकाले जनाएको छ ।
अविरल वर्षाले जिल्लाको घिरिङ गाउँपालिका-५ देउराली नजिकैको सडक पहिरिँदा तनहुँको ऋषिङ, घिरिङसहित स्याङ्जा, पाल्पा र नवलपरासी गरी चार जिल्ला गुड्ने सवारीसाधन ठप्प हुँदै आएका छन् । सडक मर्मत गर्नुपरेकाले मंगलबारदेखि उक्त सडक खण्डमा यातायात र सर्वसाधरणका लागि आवतजावत बन्द गरिएको छ ।
जिल्लाको भिमाद हुँदै गुड्ने श्रृंगपथ सडक खण्डमा सडक भासिएपछि गत मंगलबारदेखि तनहुँसहित चार जिल्लाका र्सवसाधारणको आवागमन ठप्प हुँदै आएको छ ।
चार्डपर्वको समयमा यात्रुको समस्यालाई मध्यनजर गरी तत्कालको लागि दुबैतर्फ सवारी साधन सञ्चालनको ब्यवस्था मिलाएर यात्रुलाई गन्तव्यसम्म पुर्याइएको घिरिङ गाउँपालिकाका अध्यक्ष हेमबहादुर थापाले बताए ।
