दमौलीमा सचिन स्मृति खुल्ला दौड प्रतियोगिता हुने
भञ्ज्याङ समाचारदाता/दमौली
रोट्रयाक्ट क्लब अफ दमौलीले ‘१९औं स्व. रो. सचिन स्मृति खुल्ला दौड प्रतियोगिता’ गर्ने भएको छ । आगामि शनिबार दमौली अनसनचौतारीदेखि छाब्दी बाराही मन्दिरसम्म प्रतियोगिता सञ्चालन गरिने क्लबले जनाएको छ । दौडको दुरी ९ किलोमिटर रहेको आयोजकले जनाएको छ ।
खेलकुद र पर्यटन प्रवर्द्धन गर्ने दौड प्रतियोगिताको मुख्य उद्देश्य रहेको क्लबका अध्यक्ष सुशान्त अधिकारीले बताए । उक्त दौड प्रतियोगितामा प्रथम, दित्तीय र तृतीय हुनेले क्रमसः रु. १२ हजार १२, रु. १० हजार १० र रु. ८ हजार ८ नगद, प्रमाणपत्र र मेडल प्राप्त गर्ने छन् । यस्तै सान्तवना हुने रु. २ हजार २ पाउनेछन ।
प्रतियोगितामा करिब ५० जना धावकहरुले सहभागिता हुने अनुमान गरिएका कार्यक्रम संयोजक विशाल श्रेष्ठले बताए । दौड रुट दमौलीको अनसन चौतारीबाट सफासडक, पृथ्वी राजमार्ग, गम्बुवेशी, भादगाउँ हुँदै छाब्दी बाराही मन्दिरसम्म हुने संयोजक श्रेष्ठले बताए ।
धार्मिक पर्यटकीय स्थल छाब्दी बाराही मन्दिरको प्रचारप्रसार र युवायुवतीलाई प्रोत्सहान गर्न दौड गरिएको क्लबका पुर्वअध्यक्ष मनोज राउतले जानकारी दिए । भारतको कोलकातामा क्लबको कार्यक्रममा सहभागी हुन जाने क्रममा सवारी दुर्घटनामा परी ज्यान गुमाएका क्लबका तत्कालिक सहसचिव सचिन कुमार श्रेष्ठको स्मृतिमा क्लबले सन् २००३ देखि हरेक वर्षदौड प्रतियोगिता आयोजना गर्दै आइरहेको छ ।
‘स्वार्थ भन्दा माथि सेवा’ एवम् ‘साथित्व र भातृत्व संगै सेवा’ भन्ने मुल नारामा रहि समाजमा सकारात्मक सन्देश जाने विभिन्न गतिवाधिहरु साथ आफ्नो उपस्थिति देखाउँदै आएको रोट्रयाक्ट क्लव अफ दमौलीले हरेक वर्षसचिन स्मृति खुल्ला दौड प्रतियोगिता गर्दै आईरहको छ ।
