बन्दिपुरको कार्यपालिकामा गठबन्धनका उम्मेदवार विजयी
भञ्ज्याङ न्यूज
तनहुँको बन्दिपुर गाउँपालिकाको कार्यपालिका सदस्यमा गठबन्धनका उम्मेदवार विजयी भएका छन् । कार्यपालिका सदस्य चयनका लागि आइतबार भएको निर्वाचनबाट नेपाली कांग्रेस र नेकपा माओवादी केन्द्रका उम्मेदवार विजयी भएका हुन् ।
कार्यपालिका सदस्य चयनका लागि कांग्रेस र माओवादीबीच गठबन्धन गरिएको थियो ।
कार्यपालिका सदस्यमा नेपाली कांग्रेसबाट उमा घर्ती नेपाली, हरिमाया विक, मिनराम परियार निर्वाचित भएका छन् भने नेकपा माओवादी केन्द्रबाट कौशिला परियार विक, दमयन्ती थापा र जीवन भुजेल निर्वाचित भएका छन् ।
स्थानीय तह निर्वाचनमा बन्दिपुरमा गठबन्धन नगरिएपनि कार्यापालिका सदस्य चयनका लागि कांग्रेस र माओवादीले गठबन्धन गरेका छन्। निर्वाचनमा नेकपा एमाले, नेपाली कांग्रेस र नेकपा माओवादी केन्द्र एक्लाएक्लै प्रतिस्पर्धा गरेका थिए।
