घुम्ति शिविरबाट करिब पाँच हजारले लिए सेवा

तनहुँको म्याग्दे गाउँपालिकाले वडा र टोलटोलमा सञ्चालन गरेको एकीकृत घुम्ति शिविरबाट बुधबारसम्म करिब पाँच हजारले सेवा लिएका छन् । शिविरको छैटौ दिनसम्म आइपुग्दा शिविरमा ४ हजार ८३९ जना सर्वसाधारणले स्वास्थ्य सेवा लिएका हुन् ।

वडा नं. १ को मान्ह्रौबाट गत हप्तादेखि सञ्चालन गरिएको एकीकृत घुम्ति शिवरको सातौ दिनसम्म करिब पाँच हजारले स्वास्थ्य सेवा लिएको गाउँपालिकाले जनाएको छ । घुम्ति शिविरबाट स्वास्थ्य सेवा अन्तर्गतको ओपिडि सेवामा १ हजार ५५८ जना, उच्च रक्तचाप २४१ जना, सिओपिडी ७३ जना, मधुमेह १०१ जना विरामीले सेवा लिएका छन् ।

यसैगरि प्रयोगशाला सेवा अन्तर्गत १ हजार ४४१ जनाले सुगर परीक्षण गरेका छन् । ५१ जनाले क्षयरोगको परीक्षण, ९ जनाले औलोरोग परीक्षण सेवा लिएका छन् । शिविरमा पाठेघर परीक्षण र प.नि. सेवा अन्तर्गत ६१६ जनाले सेवा लिएका छन् ।

भिएल परीक्षण गर्दा २० जनामा पोजेटिभ देखिएको बताइएको छ । यसैगरि ५९६ जनामा भिएल ए नेगेटिभ देखिएको छ । १०९ जनाले अन्य सेवा लिएका छन् । रिङ्ग प्रेसरी सेवा १५ जनाले लिएका छन् भने एफ पि टोटल २७ जनाले लिएको गाउँपालिकाका स्वास्थ्य शाखा प्रमुख दिनेश पण्डितले बताए ।

घुम्ति शिविरमा ४६७ जनालाई कोभिड-१९ विरुद्धको खोप लगाइएको छ । आयुर्वेद सेवा तर्फ ६३१ जनाले सेवा लिएका छन् भने ५४ जनाले वालस्वास्थ्य सेवा लिएको शाखा प्रमुख पण्डितले बताए ।

सेवाग्राहीको स्वास्थ्य परीक्षण गरिएका मध्ये मधुमेहका १०१ जना र भिएल ए पोजेटिभका २० जनामा देखिएकाले सम्बन्धित स्वास्थ्य संस्थामा थप उपचारकालागि पठाइएको स्वास्थ्य शाखा प्रमुख पण्डितले बताए ।

असोज २ गतेदेखि सञ्चालन गरिएको एकीकृत घुम्ति शिविर असोज ३१ गते सम्पन्न गरिने भएको छ । घुम्ति शिविरबाट ६१२ जना कृषक लाभान्वित भएका छन् भने २६ वटा पशुको वन्ध्याकरण गरिएको छ ।

शिविरवाट कोभिड-१९ बिरुद्धको खोप, कृषि सेवा, पशु सेवा, महिला विकास अन्तर्गत ज्येष्ठ नागरिक र अपाङ्ग परिचय पत्र वितरण, योजना सम्झौता, पञ्जिकरण र स्वास्थ्य सेवा तर्फ बहिरङ्ग सेवा सञ्चालन गरिएको गाउँपालिकाका प्रमुख प्रशासकीय अधिकृत नारायण प्रसाद अधिकारीले बताए ।

सेयर गर्नुहोस्

प्रतिक्रिया दिनुहोस्

सम्बन्धित खवर