विश्व मानसिक स्वास्थ्य दिवसमा परामर्श

विश्व मानसिक स्वास्थ्य दिवसका अवसरमा राष्ट्रिय मानसिक स्वास्थ्य स्वावलम्बन संगठन (कोसिस) तनहुँले सर्वसाधारणलाई परामर्श दिएको छ । कोसिसले सोमबार व्यास-३ अनशन चौतारीमा परामर्श केन्द्र स्थापना गरी सर्वसाधारणलाई परामर्श दिएको हो ।

मानसिक स्वास्थ्यसम्बन्धी आमनागरिकलाई सचेतना जगाउने उद्देश्यले सर्वसाधारणलाई खुला स्थानमा परामर्श तथा सचेतना गराइएको कोसिसका कल्याण बन्धु वाग्लेले बताए । मानसिक स्वास्थ्य समस्या भएका व्यक्तिप्रति हुने सामाजिक अवरोधहरु हटाउन समुदाय सचेतीकरण एवं सशक्तिकरणका कर्यक्रम गर्दै आएको कोशिसका कार्यक्रम संयोजक महेन्द्र आचार्यले बताए ।

गण्डकी प्रदेशको तनहुँ लगायत लमजुङ, गोर्खा र कास्कीमा कोसिसले सेवा प्रवाह गरेको छ भने देशैभरका १६ जिल्लामा मानसिक स्वास्थ्यसम्बन्धी सचेतना र प्रवर्द्धन गर्ने कार्य गरिरहेको आचार्यले बताए । मानसिक समस्या भएका व्यक्तिलाई मनोविद आरती अधिकारी र सीता भण्डारीले मनोपरामर्श दिंदै आएका छन् ।

सेयर गर्नुहोस्

प्रतिक्रिया दिनुहोस्

सम्बन्धित खवर