भण्डारीलाई बधाई दिंदै गुरुङले भने : विकास निर्माणमा मेरो जिम्मेवारी र खबरदारी रहन्छ

तनहुँ क्षेत्र नम्बर २ का प्रतिनिधिसभा सदस्य उम्मेदवार एवं नेकपा एमालेका स्थायी कमिटी सदस्य किरण गुरुङले नवनिर्वाचित प्रतिनिधिसभा सदस्य शंकर भण्डारीलाई बधाई ज्ञापन गरेका छन् । मतपरिणाम सार्वजनिक भएसँगै भण्डारीलाई बधाई दिँदै गुरुङले मतदाताहरुको मन जितेपनि गणितीय रुपमा मत जित्न असमर्थ रहेको बताएका छन् ।

उनले भनेका छन्, ‘नेकपा (एमाले) फरक परिस्थितिका बीच निर्वाचनको प्रतिस्पर्धामा होमिएको तपाईंहरु जानकार नै हुनुहुन्छ । विविध अनुकूलताका बीच तनहुँ क्षेत्र नम्बर २ का मतदाताले देखाएको प्रेम, सदभाव र शुभेच्छा सदैव स्मरणीय रहनेछ । आवधिक निर्वाचन फेरि पनि आउँछ नै, तर समाजप्रतिको उत्तरदायित्व र जिम्मेवारीको सदा र्सवथा भारी बोक्न तयार छु । मतदाताहरूको फैसलालाई म सम्मान गर्दछु । मलाई निरास र विचलित बनाएको छैन ।’

आभार एवं धन्यवाद !

आदरणीय तनहुँ क्षेत्र नं. २ निवासी आमाबुवा, दाजुभाइ तथा दिदीबहिनीहरु मंसिर ४ गते भएको प्रतिनिधि सभा निर्वाचनमा तनहुँ क्षेत्र नम्बर २ बाट नेकपा (एमाले)को तर्फबाट प्रत्यासी भएको थिएँ । तर, तनहुँ २ निवासी मतदाताहरुको मन जिते पनि गणीतय रूपमा मत जित्न असमर्थ रहेँ । तनहुँ २ बाट प्रतिनिधि सभा सदस्य निर्वाचित हुनुभएका मेरा प्रतिस्पर्धी, नेपाली कांग्रेस र माओवादी केन्द्रसहित पाँच दलको तर्फबाट उम्मेदवार शंकर भण्डारीलाई बधाई तथा सफल कार्यकालको शुभकामना व्यक्त गर्दछु ।

नेकपा (एमाले) फरक परिस्थितिका बीच निर्वाचनको प्रतिस्पर्धामा होमिएको तपाईंहरु जानकार नै हुनुहुन्छ । विविध अनुकूलताका बीच तनहुँ क्षेत्र नम्बर २ का मतदाताले देखाएको प्रेम, सदभाव र शुभेच्छा सदैव स्मरणीय रहनेछ । आवधिक निर्वाचन फेरि पनि आउँछ नै, तर समाजप्रतिको उत्तरदायित्व र जिम्मेवारीको सदा र्सवथा भारी बोक्न तयार छु ।

मतदाताहरूको फैसलालाई म सम्मान गर्दछु । मलाई निरास र विचलित बनाएको छैन । निर्वाचनका दौरानमा मैले गरेका प्रतिबद्धता र संकल्पलाई सदा शिरमा राखेर हिँड्नेछु । संसद्को बाहिरको मोर्चा र अभियानमा तपाईंहरुसँगै रहनेछु । विकास निर्माण, सेवा प्रवाहप्रति मेरो जिम्मेवारी र खबरदारी रहने नै छ । तनहुँ क्षेत्र नम्बर २ को विकासका सर्न्दर्भमा हामीले शुरूवात गरेको नीति, कार्यक्रम र परियोजनाहरू सम्पन्न गर्न साथ, सहयोग र जोड रहनेछ ।

कास्की पुणीटारसंगै जोडिएको तनहुँ, शुक्ला-९, घारी र तनहुँ, ब्यास-५, चिन्तुटारमा केन्द्र तथा प्रदेश गौरवको औद्योगिक क्षेत्र स्थापना सञ्चालन गर्ने तथा खैरेनीटार- भिमाद-मानपुर-डेढगाउँ-त्रिवेणी जोड्ने प्रदेश गौरवको लोकमार्ग, स्याङ्जा चापाकोट-तनहुँ घिरिङ, बैंडी-देवघाट जोड्ने शाल्रि्राम करिडोर लोकमार्ग निर्माण सम्पन्न गर्ने काममा मेरो पहलकदमी र अग्रसरता रहने नै छ ।

यसैगरी गाईघाट-गल्याङ (कृष्ण मार्ग र श्रृङ्गा मार्ग) रणनीतिक मोटरमार्ग, भिमकाली मोटर मार्ग, दुलेगौंडा हर्कपुर मोटर मार्ग, कोत्रे-थप्रेक-सिन्धु मार्ग, दुलेगौंडा-लामागाँउ-बाडखोला मोटर मार्ग, माहेन्द्री मोटर मार्ग, मादी करिडर मोटरमार्ग, झापुटार-चालिसे मोटर मार्ग, मनकौरी मोटर मार्ग, दुलेगौंडा-साँखे मोटरमार्ग, खड्गकाली ढोरबराही मोटरमार्ग, ढोरबराही मोटरमार्ग, साँखे-विसौना-कोल्मा मोटरमार्ग आदि लगायत दर्जनौं रणनीतिक महत्वका मोटर मार्गहरू निर्माण सम्पन्न कार्यमा मेरो योगदान हुने जानकारी गराउन चाहन्छु ।

सबै क्षेत्रमा ‘एक घर, एक धारा खानेपानी कार्यक्रम’ सम्पन्न गर्ने, पोखराको वैकल्पिक सहरको रूपमा शुक्ला र भिमादलाई सेटलाइट सिटीको रूपमा विकास गर्ने, शुक्ला गण्डकीलाई स्वास्थ्य विज्ञान तथा शैक्षिक हबको रूपमा विकास गर्न गण्डकी विश्व विद्यालाय र विशिष्टकृत हस्पिटल स्थापना तथा सञ्चालन गर्ने र रणनीतिक महत्वका दर्जनौं सडक पुल निर्माण तथा सम्पन्न गर्ने कामलाई पूरा गर्न लाग्ने नै छु ।

एतिहासिक धरोहर, सांस्कृतिक सम्पदा कालीगण्डकी डाइभर्सन रोक्न लाग्ने छु ! मैले सदैव निष्ठाको राजनीति गर्दै आएको छु । क्रान्ति, परिवर्तन र लोकतन्त्रको निम्ति सबै व्यक्तिगत स्वार्थलाई त्यागेको छु । समाज परिवर्तनका भुमिगतकालिन कठिनभन्दा कठिन आन्दोलनका दिनहरूमा आफुलाई बलिदानीपूर्वक होम्दै आएकोछु ।

जनप्रतिनिधिहरूकरुरुो हैसियत र सरकारको भुमिकाहरू रहदा निर्विवादित र स्वच्छ छविका साथ राज्यको जिम्मेवारी सफलतापुर्वक निर्वाह गरेकोछु । देश र जनताको लागि सदैव समर्पित रहेको छु । देश र जनताको विकास, परिवर्तन, समृद्धि, न्याय र समानतारुको लडाइँमा मेरो सधैं साथ र सहयोग रहनेछ । अन्त्यमा नेकपा (एमाले) र मलाई विश्वास गरी मतदान गर्नुहुने सम्पूर्ण मतदाताहरु, पार्टीका नेता कार्यकर्ताहरु, शुभचिन्तक, शुभेच्छुक, निर्वाचन आयोग, मतदान प्रतिनिधिहरु, सुरक्षा निकाय, विभिन्न राजनीतिक दलका प्रतिस्पर्धी साथीहरु, सञ्चारकर्मी लगायत सबैमा हार्दिक धन्यवाद व्यक्त गर्दछु । धन्यवाद ।

सेयर गर्नुहोस्

प्रतिक्रिया दिनुहोस्

सम्बन्धित खवर