तनहुँ-२ को प्रदेशसभा १ मा एमालेका महत विजयी

प्रतिनिधिसभा तथा प्रदेशसभा सदस्य निर्वाचन २०७९ अन्तर्गत तनहुँ-२ को प्रदेशसभा १ मा नेकपा (एमाले)का श्यामराजा महत निर्वाचित भएका छन् । बुधबार बिहान सार्वजनिक मतपरिणाम अनुसार प्रतिस्पर्धीभन्दा एक हजार ७७२ बढी मत प्राप्त गरी महत प्रदेशसभा सदस्यमा निर्वाचित भएका हुन् ।

महतले १५ हजार ६५३ मत प्राप्त गरेको तनहुँ क्षेत्र नं. २ का निर्वाचन अधिकृत गोविन्द उपाध्यायले जानकारी गराए । प्रतिस्पर्धी वाम-लोकतान्त्रिक गठबन्धनबाट नेकपा (माओवादी केन्द्र) का राजेन्द्रकेशरी न्यौपानेले १३ हजार ८८१ मत प्राप्त गरेका छन् ।

उक्त प्रदेशमा ३७ हजार ७९४ मत खसेको थियो । यो प्रदेशमा व्यास नगरपालिका-५ र ६, म्याग्दे गाउँपालिका तथा शुक्लागण्डकी नगरपालिका पर्दछ । विसं २०३४ मा कम्युनिष्ट पार्टीको सदस्यता लिनुभएका महतले विसं २०४४ मा भएको उपनिर्वाचनमा नै राष्ट्रिय पञ्चायत सदस्यमा चुनावमा पराजित भएका थिए ।

महत विसं २०५४ देखि २०५९ सम्म नगरोन्मुख नमूना ढोरफिर्दी गाविसको अध्यक्ष बनेर काम गरेका थिए । नेकपा माले, मानन्धर समूह हुँदै चारपटक जिल्ला कमिटी सदस्य बनेका महत वि.सं. २०४९ मा जिल्ला विकास समिति सदस्यमा निर्वाचित भएका थिए ।

महतले पर्यटकीय सहर पोखरासँग जोडिएको यस क्षेत्रलाई भौतिक पूर्वाधारसँगै सांस्कृतिक सहरका रूपमा विकास गर्ने मतदातासंग प्रतिबद्धता जनाएका छन् ।

सेयर गर्नुहोस्

प्रतिक्रिया दिनुहोस्

सम्बन्धित खवर