व्यासबाट रास्वपाको ‘हामी आउँदैछौं’ अभियान
दमौली : तनहुँको व्यास नगरपालिकाबाट राष्ट्रिय स्वतन्त्र पार्टी (रास्वपा)ले ‘हामी आउँदैछौँ’ अभियान सुरु गरेको छ । बिहीबार व्यासमा आयोजित कार्यक्रममार्फत अभियानको औपचारिक सुरुवात गरिएको हो ।
अभियानको सुरुवात कार्यक्रममा रास्वपा गण्डकी प्रदेश सभापति नवीन त्रिपाठी, सांसदद्वय बिना गुरुङ र झवीप्रसाद डुम्रे तथा प्रदेश महामन्त्री कृष्णप्रसाद लम्साल सहभागी थिए । कार्यक्रममा पार्टीका नेता, कार्यकर्ता तथा समर्थकको उपस्थिति रहेको थियो ।
व्यासबाट अभियान सुरु गरेसँगै रास्वपाले तनहुँमा संगठन विस्तार, जनसम्पर्क तथा राजनीतिक गतिविधिलाई थप सक्रिय बनाउने संकेत गरेको छ । अभियानमार्फत स्थानीय नागरिकसँग प्रत्यक्ष संवाद र पार्टीका गतिविधिलाई जनस्तरसम्म पु¥याउने तयारी रहेको पार्टीले जनाएको छ ।
तनहुँमा यसअघि पनि विभिन्न राजनीतिक गतिविधि गर्दै आएको रास्वपाले नयाँ अभियानलाई संगठनात्मक सक्रियता बढाउने अवसरका रूपमा लिएको छ ।
अभियानअन्तर्गत जिल्लाका विभिन्न स्थानमा आगामी दिनमा कार्यक्रम तथा जनसम्पर्कका गतिविधि सञ्चालन हुने बताइएको छ । यद्यपि, अभियानको आगामी कार्यक्रम, कार्यतालिका र यसको विस्तृत उद्देश्यबारे भने पार्टीले थप जानकारी सार्वजनिक गरेको छैन ।
