म्याग्दे गाउँपालिकामा प्रधानमन्त्री स्वरोजगार कार्यक्रम सञ्चालन गरिने

तनहुँको म्याग्दे गाउँपालिकामा प्रधानमन्त्री स्वरोजगार कार्यक्रम सञ्चालन गरिने भएको छ । म्याग्दे गाउँपालिकाको स्थानीय निर्देशक समितिको अध्यक्ष श्रीप्रसाद श्रेष्ठको अध्यक्षतामा बसेको बैठकले पालिकामा प्रधानमन्त्री स्वरोजगार कार्यक्रम अगाडि बढाउने निर्णय गरेको हो ।

स्थानीय तहमा रोजगारको सम्भावना भएको क्षेत्रमा समग्र रोजगारको वस्तुस्थिति बुझ्नका लागि रोजगार सम्वाद मञ्च आयोजना गरिएको रोजगार संयोजकका सदस्य सचिव पविन्द्र शाहीले बताए ।

चालु आर्थिक वर्षमा सुनिश्चित भएका वेरोजगारको संख्या २९५ जना रहेको र उनिहरुको प्राथमिकीकरण निर्धारण मार्गदर्शन अनुसार चयन गरिने भएको छ । गाउँपालिकाले अहिले ४० जना प्राथमिकीकरणमा परेकालाई रोजगारी दिने सचिव शाहीले बताए ।

यस्तै, १६ जना अन्य गरी कुल यस आर्थिक वर्षमा ५६ जनालाई रोजगार दिइनेछ । नेपाल सरकारको दररेट अनुसार प्रति दिन ५७७ रुपैयाँ दिने गरी १ जनालाई १०० दिनसम्म रोजगार दिइने शाहीले बताए ।

श्रम रोजगार तथा समाजिक सुरक्षा मन्त्रालयले सशर्त अुनदान रकम अर्न्तर्गतको पालिकाले यो कार्यक्रम सञ्चालन गर्ने गाउँपालिकाका प्रमुख प्रशासकीय अधिकृत नारायण प्रसाद अधिकारीले जानकारी गराए ।

सेयर गर्नुहोस्

प्रतिक्रिया दिनुहोस्

सम्बन्धित खवर