शिक्षक संघ व्यासको अध्यक्षमा पौडेल निर्वाचित

नेपाल शिक्षक संघ व्यास नगर समितिको अध्यक्षमा इन्द्र पौडेल निर्वाचित भएका छन् । संघको शनिबार सम्पन्न निर्वाचनबाट पौडेलले ३६७ मत प्राप्त गरी निर्वाचित भएका छन् । पौडेलका प्रतिस्पर्धी बलराम वाग्लेले १५५ मत प्राप्त गरेका छन् । पौडेल सत्यवती माध्यमिक विद्यालयका शिक्षक हुन् । ६६१ मतदाता रहेको संघको निर्वाचनमा ५२७ मत खसेको बताइएको छ ।

यस्तै संघको सचिवमा रुपा घिमिरे विजयी भएकी छन् । घिमिरेले ३६८ मत प्राप्त गर्दा प्रतिस्पर्धी बुद्धिबहादुर बरालीले १४५ मत प्राप्त गरेका छन् । अन्य पदमा भने निर्विरोध भएको छ । उपाध्यक्षमा मनु सापकोटा र टिकाराम दाहाल, सचिव अर्थमा प्रकाश बसौला, सहसचिव समावेशीमा अमर सुनार र शम्भुलाल थापा, सहसचिव महिलामा रिमा आले, सहसिचव खुल्लामा विनोद रम्तेल, सहसचिव अर्थमा विपना सुनार निर्विरोध भएको बताइएको छ ।

सेयर गर्नुहोस्

प्रतिक्रिया दिनुहोस्

सम्बन्धित खवर