रेजेडआर१२५ याफआई स्कुटरको माइलेज च्यालेन्जको उपाधी श्रेष्ठले जिते
भञ्ज्याङ न्यूज
तनहुँको दुलेगौडामा रेजेडआर१२५ याफआई स्कुटरको माइलेज च्यालेन्ज प्रतियोगिताको उपाधि सोम प्रसाद श्रेष्ठले जितेका छन् । दुलेगौडाको सुन्दर अटो वर्क्स यामाहा शोरुम र यमएडब्लु इन्टरप्राइजेजले संयुक्त रुपमा शनिबार आयोजना गरेको उक्त प्रतियोगिता श्रेष्ठले ८०.५९ केयमपिएल ल्याई प्रथम भएका हुन् ।
उक्त प्रतियोगितामा खिम नारायण पौडेल (आरती)ले ७८.६६ केयमपिएल ल्याई द्धितीय र दुर्गामान श्रेष्ठले ७३.७८ केयमपिएल ल्याई तृतीय हुन सफल भएका छन् । यो प्रतियोगिताबाट यामाहाको १२५सिसिको रेजेडआर स्कुटर प्रति आकर्षण झन बढेको सुन्दर अटो वर्क्सका प्रबन्धक आनन्दसुन्दर श्रेष्ठले बताए ।
कार्यक्रममा यामाहा राइडरहरूबाट सूर्य पराजुली र सोमप्रसाद श्रेष्ठ, यमएडब्लुका सुवास मैनाली, इन्जिनियर विक्रम रेग्मी लगायतले आ-आफ्ना विचार व्यक्त गरेका थिए ।
दुलेगौडाबाट सुरु भएको र्याली खैरेनीटार र भीमाद हुँदै दुलेगौंडा स्थित जंगल पार्कमा आई टुङ्गिएको थियो । र्यालीमा २५ जना राइडरको सहभागिता रहेको थियो ।
