४० जना विद्यार्थीलाई न्यानो कपडा सहयोग

तनहुँको व्यास नगरपालिका-१ भादगाउँ स्थित जलदेवि माध्यमिक विद्यालयका विद्यार्थीलाई न्यानो कपडा सहयोग गरिएको छ । गैर आवासीय नेपाली संघ अन्तर्राष्ट्रिय समन्वय परिषद्का उपाध्यक्ष डा. केशव पौडेलले विद्यालयका ४० जना अति विपन्न बालबालिकालाई न्यानो कपडा उपलब्ध गराएका हुन् ।

व्यास-९ सिस्नेरी घर भइ हाल अमेरिकामा बसोबास गर्दै आएका पौडेलले बिहीवार विद्यालय व्यवस्थापन समितिका अध्यक्ष होमबहादुर बस्नेतलाई सहयोग सामाग्री हस्तान्तरण गरेका थिए । बढ्दो जाडोका कारण विद्यालयमा अध्ययनरत् विपन्न विद्यार्थीको पठनपाठन प्रभावित भइरहेको विषयमा विद्यालयका शिक्षक राजु पौडेलले जानकारी गराएपछि उनले उक्त सामाग्रि उपलब्ध गराएका हुन् ।

यस्तै, छोटो अवधिको जानकारीमा विद्यालयमै उपस्थित भइ सहयोग गरेको भन्दै विद्यालयका प्रधानाध्यापक पिताम्बर सिग्देलले आभार व्यक्त गरे । पूर्ण विद्यालय पोशाकमा विद्यालय आउन नसक्ने अवस्था रहेका विद्यार्थीलाई सहयोगले राहत मिल्ने उनले बताए ।

उनका अनुसार उक्त विद्यालयमा आर्थिक विपन्नता भएका तथा दलित समुदायका विद्यार्थीहरुको बाहुल्यता रहेको छ । प्रदेशमा रहेर पनि मातृभूम्रि्रति पौडेलले देखाएको सेवा भाव र सद्भाव प्रति विद्यालय व्यवस्थापन समितिका अध्यक्ष बस्नेतले धन्यवाद व्यक्त गरे ।

सेयर गर्नुहोस्

प्रतिक्रिया दिनुहोस्

सम्बन्धित खवर