म्याग्देमा निःशुल्क मिर्गौला परीक्षण शिविर सञ्चालनमा

तनहुँको म्याग्दे गाउँपालिकाले निःशुल्क मिर्गौला परीक्षण शिविर सञ्चालन गरेको छ । स्वास्थ्य मिर्गौला, समृद्ध म्याग्दे गाउँपालिका भन्ने मुल नाराका साथ मिर्गौला वचाउ अभियान राष्ट्रिय कार्यक्रम नेपाल र राष्ट्रिय मिर्गौला केन्द्र काठमाडौंको प्राविधिक सहयोग तथा र्सर्ुय नेपाल प्रा.लि.को आर्थिक सहयोगमा शुरु गरिएको पालिकाका अध्यक्ष श्रीप्रसाद श्रेष्ठले जानकारी गराए ।

शिविरको शुभारम्भ गर्दै अध्यक्ष श्रेष्ठले पालिका भित्रका जनतालाई स्वास्थ्य बनाउनका लागि कसरी अभिभावकीय बन्न सकिन्छ भन्ने सोचका साथ पालिकाले निःशुल्क रुपमा मिर्गौला परीक्षणको कार्यक्रम ल्याइएको वताए ।

सामान्य खानपिन र स्वास्थ्यमा ध्यान नदिदा मिर्गौला रोगले ग्रसित बनिरहदा मिर्गौला पीडितहरु दैनिक जसो सहयोगका लागि पालिका धाइरहदा जनताको दुःखमा साथ दिने अभियानमा पालिका जोडिएको अध्यक्ष श्रेष्ठले बताए ।

पालिकाका उपाध्यक्ष वालकृष्ण घिमिरले हेर्दा आम जनतालाई समान्य लागेता पनि यो जनताप्रतिको जवाफदेहिता रहेको बताए । रोग लागिसकेपछि उपचार गर्न पर्ने बाध्यता अगावै सचेत हुनका लागि यो शिविरले महत्वपूर्ण भूमिका बताउँदै उनले आधारभुत स्वास्थ्य आम जनताको पहिलो प्राथमिकता रहेकाले रोग लाग्नु पुर्व नै ध्यान दिनुपर्ने बताए ।

कार्यक्रममा सुर्य नेपालका मानव संशाधन विभागका प्रमुख अन्जन दवाडीले कम्पनिको समाजिक उत्तरदायित्व अन्तर्गत रहेर सकेको सहयोग गरेको बताए । गाउपालिकाका प्रमुख प्रशासकीय अधिकृत नारायण प्रसाद अधिकारीले पालिका आमजनताको स्वास्थ्यसंग अत्यन्तै संवेदनशील भएको हुँदा यसअघि पनि आम जनताको स्वास्थ्यसंग जोडिएर विभिन्न शिविर गरिसकेको र अब आउने फागुनको पहिलो हप्ता पाठेघरको क्यान्सर परीक्षणको शिविर सञ्चालन गर्ने तयारी भएको बताए ।

सेयर गर्नुहोस्

प्रतिक्रिया दिनुहोस्

सम्बन्धित खवर