जलचर तथा जलीय जैविक विविधता सम्वन्धी अन्तरक्रिया
तनहुँको व्यास नगरपालिका-५ मा जलचर तथा जलीय जैविक विविधता सम्बन्धी अन्तरक्रिया गरिएको छ । युएसआईडी वायोडाइभर्सिटीले वडा नं ५ मा उक्त कार्यक्रम गरेको हो । व्यास नगरपालिका-५ का वडाध्यक्ष विष्णुकुमार श्रेष्ठ हिमालको अध्यक्षतामा भएको सो अन्तरक्रिया कार्यक्रमा युमएसआईडी वायोडाइभर्सिटीको प्राविधिक निर्देशक नारायण वेलवासेले सहजिकरण गरेका थिए ।
कार्यक्रममा जलीय जैविक संरक्षण कसरी गर्न सकिन्छ भन्नेमा छलफल भएको थियो । वातावरणीय प्रभावका कारण जलीय जलचर ह्रास हुँदै आएको सन्दर्भमा यसलाई आम समुदाय मिलेर संरक्षण तथा प्रवर्द्धन गर्नुपर्ने सहभागिहरुले बताएका थिए ।
कार्यक्रममा वेलवासेले जलीय जलचर संरक्षण गर्न टोल र समुदायमा जानुको विकल्प नभएको बताए । वडाध्यक्ष श्रेष्ठले स्थानीय तहले जल, जंगल तथा जलीय प्राणीको संरक्षणका लागि वडाले भुमिका खेलिरहेको बताए । उनले भने ‘सिगो समुदायको सहयोगले मात्र जलीय संरक्षण गर्न सकिने हुँदा सबै हातेमालो गरी लाग्न आवश्यक छ ।’
वडा नं ५ का विभिन्न व्यक्तित्वहरुको उपस्थिति रहेको सो कार्यक्रमको सहजीकरण संस्थाको सिनियर जेसी सुनिल चौधरीले गरेका थिए भने कार्यक्रमको संचालन वडा सचिव बिश्वनाथ पौडेलले गरेका थिए ।
