चर्चित लोकगायिका “शिला आले”

देव बस्न्यात

शिला आले नेपाली लोकदोहोरी फाँटको एउटा चर्चित नाम हो । कृष्ण बहादुर आले र ललिमायाँ आलेकी कान्छी छोरी शिलाका दुइ दाजु र दुइ दिदीहरु छन् । तनहुँको आँबुखैरेनी गाउँपालिका-६ आँबुमा जन्मेकि शिला तनहुँको ग्रामिण परिवेशमै हुर्किएकी हुन । किशोरी अवस्था अत्यन्त दुःखमय थियो । आँबुको गाउँमा खोलिएको प्राथमिक विद्यालयमा ५ कक्षासम्म अध्ययन गरेकी शिलालाई ६-१० कक्षासम्म अध्ययन गर्न घरको सम्पूर्ण काम भ्याएर रामशाह माध्यमिक विद्यालय आँबुखैरेनीमा पुग्नुपर्थ्यो । त्यैसैले हरेक दिन बिहान ४ बजे उठेर उहाँले गाइभैसीको दूध दुहेर ५/६ माना दूधलाई सात आठ माना बनाएर बजारमा दूध बेच्न लैजाने र बजारबाट घर फर्केर कापी किताव च्यापेर त्यही बाटो डेढघण्टा पैदलै हिंडेर नियमित विद्यालय पुग्नुपर्ने बाध्यता थियो।

विदाका हरेक दिन गाउँ नजिकका वनमा गाई, भैंसी, भेंडा, बाख्रा चराउने र घाँस दाउरा गर्नु पर्दथ्यो । वनमा जाँदा आफ्ना सहेलीहरुसंगै गीतहरु सुसल्ने र त्यही सुसेलीले उहाँलाई अहिले एक सफल गायिकाको रुपमा स्थापित गरेको छ । एक पटक आफु पढी रहेको विद्यालयको वाषिर्कोत्सवमा गीत गाउने र नाँच्ने सुअवसर मिल्यो । उहाँले गाएको गीतले शिक्षक, विद्यार्थी र अभिभावक समेत सबैको मन छोयो । अभिभावक र गुरु वर्ग सबैले गीतको प्रशंसा गरे । सबैबाट प्रशंसा पाउँदा आफ्नो स्वर राम्रो रहेछ भन्ने महसुस भएकाले शिलाले रेडियो नेपालका गीतहरु सुन्ने र आफ्नो गीत गाउने अभियानलाई तिखार्दै गइन ।

रामशाह मा.वि.बाट एस.एल.सी. परीक्षा उत्तीर्ण गरेपछि शिलालाई काठमाडौं पुगेर उच्च शिक्षा अध्ययन गर्ने मन भयो । काठमाडौं बस्ने दाजुभाइहरुले सहयोग गरेकाले शिला पद्मकन्या क्याम्पसमा बिहानी कक्षामा अध्ययन गर्दै थिइन । वि.सं. २०५७ सालको चैतमा परिशरा थापाले उहाँलाई दोभान दोहोरी साँझमा गीत गाउन जाने निम्ता दिनु भयो र दोहोरी साँझमा पुग्नुभयो ।

त्यही दोहोरी साँझमा गाएको गीतले रेडियो नेपालमा स्वरपरीक्षण दिने प्रसंग उठ्यो । अर्जुन बगाले, बद्री पराजुली, कृष्णसुधा ढुङ्गाना, बमबहादुर थापा, अम्मर विरही दाजुहरुले रेडियो नेपालमा स्वरपरीक्षण दिन जाने काममा उहाँलाई अमूल्य सहयोग गरेका थिए । असार २७ गतेका दिन २०/२० जना सहभागिहरुको स्वर परीक्षा उहाँले १६औं स्थानमा नाम निकाल्न सफल पनि भइन । बिस्तारै बिस्तारै रामथापाको साथ र सहयोगले शिलाले काठमाडौंको ठमेलमा दोहोरी गीत गाउन थालिन । सीता दिदीले नै शिलालाई दोहोरी गीत गाउन उत्प्रेरित गरिरहिन भने बलिसरा र बद्रीले दोहोरी खालमा दिनु पर्ने जवाफी उत्तर पनि सिकाएर दोहोरी गीत गाउन उत्साह थप्ने र भरोसा दिने गर्दथे ।

लगभग दुइ वर्षसम्म गीत संगित क्षेत्रको यात्रामा ललितकला क्याम्पस र अन्य विद्यालयहरुमा पढाउने गुरु शिबराज पौडेलसंग अचानक उहाँको भेट भयो । भेट पश्चात विस्तारै बिस्तारै मायाँको जरो जेलिंदै गयो । दुबैजना एक अर्कासंग छुटि्टन नसक्नेनै भए । अन्ततः साविक पार्वतीपुर गाउँपालिका हाल भरतपुर महानगरपालिका-२१ सीतापुर चितवन निवासी संगीतका साधक गुरु शिवराज पौडेलसंग उहाँले वैवाहिक सम्वन्ध कायम गर्नु भयो । हाल उहाँका परिवारमा श्रीमान शिवराज पौडेल, छोरीहरुमा शिरिका पौडेल र आर्य पौडेल रहेका छन् । घरपरिवारबाट कुनै गुनासो नआएपनि मगरको छोरी भएर बाहुनसंग विवाह गरेको विषयमा मगर समाजले उहाँको चर्कै विरोध गरेको र सो विरोधलाई हालसम्म पनि झेल्दै आइरहनु परेको छ ।

शकुन्तला थापा शिलाजीको अत्यन्त्यै मिल्ने साथी थिइन । क्याम्पस जाँदाहोस वा बजार संगै जाँदा दुबै जना एउटै पहिरानमा हिंड्ने गर्दथे । कृष्णसुधा ढुङ्गाना र भवानी भण्डारीसंग मिलेर उहाँले खैरेनीमा गेट, मौरी फूलमाथि जस्ता एल्वमहरु क्रमशः निकाल्नु भयो। यिनै गीतहरुले उहाँलाई सांगितक उचाईमा पुर्‍यायो । यस लगतै उहाँले “सुन्तला र स्याउ पिरती लाउने भए अलि वर आउ……” भन्ने गीत गाउनु भयो । सोही गीतले उहाँलाई सबैका दिलदिलमा बास गराउन सफल भयो ।

शिला आले र राजु परियार लोकसांगितिक क्षेत्रमा नाम चलेका जोडी हुन । लोकगायन क्षेत्रका बादशाह मानिने राजु परियार र शिला आलेका नयाँ तथा पुराना सबै गीतहरु अहिले पनि सुपरहिट बनेका छन् । आज पनि दोहोरी फाँटमा यत्रतत्र उगुञ्जायमान छन । रुप, कला र गलाकी धनी शिला आले एकपटक सैनिक कार्यक्रममा भाग लिन जाँदा एक जना पदिक सैनिकले पर्दामा देखिने कलाकार र रियल सोमा देखिने कलाकार धेरै फरक देखिने बताएका थिए रे । पर्दामा देखिएको कला र रियलमा देख्दा चिन्न नसकिएको बताउँदा शिला लाजले रातो भएको भनाई राखेकी थिइन । शिला आले नेपालको बसाइलाई बिट मार्दै अमेरिका पुगिन तर केही समयमै अमेरिकाको बसाइलाई बिटमार्दै आफ्नै जन्मस्थान नेपाल आएकी छन् । नेपाल आएपछि आफैले निकालेको “हिउँ चुलिमा हिउँ लोर्के जोवन भन कसलाई दिउँ” भन्ने झ्याउरे गीत र तनहुँ लमजुङमा औधी रुचाइएको हालसालै मात्र गाइएका ठाडोभाका गीतहरुले अहिले चर्चाको शिखर चुमेका छन् ।

तनहुँ लमजुङका पाखा पखेरा झ्याउरे र ठाडोभाका गीत गाउँदै काठमाडौं पसेकी शिला यस क्षेत्रका सफल पात्रहरु मध्ये एक हुन । ठाडोभाका लोकगीत देश विदेशमा घन्कनु पर्छ भनेर गामवेसी रोदीघर मार्फ नवप्रतिभाहरुलाई यस क्षेत्रमा लाग्न उत्प्रेरित गरिरहेका शङ्कर परियार, राजु परियार, शिवा आले र उत्तम गुरुङहरुले ठाडोभाका गीत गायनका सुत्रहरु नवप्रतिभाहरुलाई सिकाउँदै आएका छन् । यसरी गीतगायन क्षेत्रका लागेका नवप्रतिभाहरुको नाम लिनु पर्दा डुम्रेकी सुकमाया, सीमा ठकुरी, लक्ष्मी मल्ल, कल्पना जि.सी, विजय परियार लगायतका धैरै जना ठाडोभाका गीत गुनगुनाउँदै आएका छन् । अहिले आएर फेरी पछिल्लो पुस्ताका व्यक्तिहरु पनि ठाडोभाका गीत गाउन उत्सुक हुँदै आएका छन् । उहाँहरुले लोकसुसेलीका भीरपाखा खहरेसम्म बनाएका लोकगीतका तरेली युक्त फाँटहरुमा नव प्रतिभाहरुले पनि संगितक फाँटमा जम्ने सुअवसर बनेको छ ।

Adertisement

सेयर गर्नुहोस्



प्रतिक्रिया दिनुहोस्



सम्बन्धित खवर

सम्बन्धित खवर

Leave a Reply

Your email address will not be published.

छुटाउनुभयो कि?

Close
Back to top button
You cannot copy content of this page.
Close

Ad Blocker Detect

Please consider supporting us by disabling your ad blocker