भानुभक्तको साहित्यिक योगदान सम्झिंदै १५८औं स्मृति दिवस मनाइयो
भानु : नेपाली भाषा–साहित्यका आदिकवि भानुभक्त आचार्यको १५८औँ स्मृति दिवस भानु नगरपालिका–१, सतीघाटमा विविध कार्यक्रमसहित मनाइएको छ । आदिकवि भानुभक्त आचार्यको साहित्यिक योगदानको स्मरण तथा नेपाली भाषा–साहित्यको संरक्षण र प्रवर्द्धन गर्ने उद्देश्यले कार्यक्रम आयोजना गरिएको हो ।
कार्यक्रममा भानु नगरपालिकाका नगरप्रमुख आनन्दराज त्रिपाठी, उपप्रमुख उमा गोतामे, गोकर्णेश्वर नगरपालिकाका साहित्यिक स्रष्टा, भानु नगरपालिकामा क्रियाशील विभिन्न राजनीतिक दलका प्रतिनिधि, कर्मचारी, स्थानीय आमा समूह लगायतको सहभागिता रहेको थियो ।
कार्यक्रममा आदिकवि भानुभक्त आचार्यले नेपाली भाषा तथा साहित्यको विकासमा पु¥याउनु भएको योगदानको स्मरण गर्दै उहाँप्रति श्रद्धासुमन अर्पण गरिएको थियो । सहभागी वक्ताहरूले भानुभक्तको साहित्यिक योगदान र सिर्जनालाई नयाँ पुस्तासम्म पु¥याउनुपर्नेमा जोड दिए ।
भानुभक्तको स्मृतिमा आयोजित कार्यक्रमले नेपाली भाषा–साहित्यको संरक्षण, प्रवर्द्धन र आदिकविको साहित्यिक विरासतलाई निरन्तरता दिने प्रतिबद्धता व्यक्त गरेको छ ।
