जनज्योति क्याम्पसमा वक्तृत्वकला प्रतियोगिता

तनहुँको भिमाद नगरपालिका स्थित जनज्योति क्याम्पसले वक्तृत्वकला प्रतियोगिता सम्पन्न गरेको छ । क्याम्पसको अतिरिक्त क्रियाकलाप समिति भिमाद नगरपालिकामा अवस्थित माध्यमिक विद्यालयका विद्यार्थीहरुको क्षमता अभवृद्धिका लागि ‘विज्ञान र प्रविधिमा विद्यार्थीको पहुँच’ विषयक वक्तृत्वकला प्रतियोगिता गरेको हो ।

भिमाद नगरपालिकामा रहेका १३ वटा विद्यालयका विद्यार्थीहरुको सहभागिता रहेको प्रतियोगितामा जनज्योति माध्यमिक विद्यालयका छात्र आदित थापा प्रथम, बुचाखानी माध्यमिक विद्यालयका छात्रा मनु थापा द्धितीय र भीम मेमोरियल आवासीय माध्यमिक विद्यालका छात्रा रितु वि.क. तृतीय हुन सफल भएका छन् । वक्तृत्वकला प्रतियोगितामा निर्णायक मण्डल संयोजक दीपक भट्टराइ, सदस्यहरु जनक राज श्रेष्ठ र ऋषिभक्त वाग्ले रहेका थिए ।

यस्तै, जनज्योति क्याम्पसका क्याम्पस प्रमुख केशव राज काफ्लेको अध्यक्षतामा आयोजित प्रतियोगितामा भिमाद नगरपालिकाका नगर प्रमुख दधिराज सुवेदी, क्याम्पस सञ्चालक समितिका उपाध्यक्ष उमाकान्त श्रेष्ठ, सदस्यहरू रमेशचन्द्र सुवेदी, वडा नं ३ का वडाध्यक्ष एवं सञ्चालक समिति सदस्य पदम राज सेन, वडा नं ५ का वडाध्यक्ष पदम बहादुर थापा, वडा नं ७ का वडाध्यक्ष प्रकाश श्रेष्ठ, प्रधानाध्यापकको तर्फबाट धर्म माध्यमिक विद्यालयका प्रधानाध्यापक कृष्ण राज भण्डारी लगायतले अहिलेको युग सापेक्ष हरेकले विज्ञान र प्रविधिसंग जोडिनु पर्ने बताएका थिए ।

सेयर गर्नुहोस्

प्रतिक्रिया दिनुहोस्

सम्बन्धित खवर