पञ्चमुनिदेव माविले लगातार दोस्रो पटक जित्यो रनिङ शिल्ड
तनहुँको शुक्लागण्डकी नगरपालिका स्तरीय छैठौं राष्ट्रपति रनिङ शिल्ड प्रतियोगितामा लगातार दोस्रो पटक पञ्चमुनिदेव माध्यमिक विद्यालयले उपाधि हात पारेको छ । गतबर्षको विजेता पञ्चमुनिले यस बर्ष १५ स्वर्ण, १० रजत र ३ कास्य पदक हात पार्दै रनिङ शिल्डको उपाधि रक्षा गर्न सफल भएको छ ।
जितसंगै पञ्चमुनिले नगद २० हजार साथमा रनिङ शिल्डको उपाधि प्राप्त गरेको छ । यसैगरी प्रतियोगितामा तालवेसी माध्यमिक विद्यालय द्धितीय भएको छ । प्रतियोगितामा तालबेसीले ५ स्वर्ण, ३ रजत र ३ कास्य पदक जित्न सफल भएको छ । जितसंगै तालवेसीले नगद १५ हजार रुपैयाँका साथमा शिल्ड प्राप्त गरेको छ ।
प्रतियोगितामा नेपाल पुलिस स्कुलले ४ स्वर्ण, ३ रजत र २ कास्य पदक हात पार्दै तृतीय भएको छ । प्रतियोगितामा तृतीय भएको पुलिस स्कुलले नगद १० हजार साथमा शिल्ड प्राप्त गरेको छ ।
गत शुक्रबारदेखि सञ्चालन भएको रनिङ शिल्ड प्रतियोगितामा गाउँफर्कोदय माविले २ स्वर्ण, ३ रजत र ३ कास्य पदक, अरनिको मावि खैरेनीटारले १ स्वर्ण, ५ रजत र ५ कास्य पदम, खैरेनी माविले १ स्वर्ण, १ रजत र ९ कास्य पदक, आधारभूत माविले १ स्वर्ण, १ कास्य र बालविद्या मन्दिर माविले १ स्वर्णपदक हात पारेको छ ।
यसैगरी प्रतियोगिता जनप्रेमी माविले २ रजत र ३ कास्य पदक, सरस्वती मावि, हंशबाहिनी मावि र जनकल्याण माविले १र१ रजत पदक, लोटसबर्ड, सहिदकृष्ण मावि, कुश्मावति मावि र सूर्यदय माविले समान १÷१ कास्य पदक हात पारेको शुक्लागण्डकी नगरपालिकाका शिक्षा अधिकृत सुशील नरालले जानकारी दिए । २९ विद्यालय सहभागी रहेको प्रतियोगितामा १३ विद्यालय पदक विहिन बनेका छन् ।
