सेती नदी किनार संरक्षणका लागि तटीय क्षेत्रमा तटबन्ध

दमौली । तनहुँ जलविद्युत् आयोजनाले बाँधस्थलभन्दा तलको तटीय क्षेत्रमा बाढीजन्य जोखिम न्यूनीकरणका लागि नदी किनार संरक्षण कार्य अघि बढाएको छ ।

आयोजनाको प्याकेज–१ अन्तर्गत बाँध (हेडवर्क्स) स्थलतल पर्ने ऋषिङ गाउँपालिका–१ को होक्सेटारमा सेती नदीको दायाँ किनार र व्यास नगरपालिका–५ पाटन क्षेत्रमा बायाँ किनारमा ग्याबियन पर्खाल लगाइएका छन् ।

यो संरचनाबाट बाढीको पानी आसपासका जमिन तथा बस्तीमा पस्न नदिने र नदी किनार कटान रोक्ने अपेक्षा गरिएको छ । आयोजनाले यसलाई नदी तटीय क्षेत्रको दीर्घकालीन संरक्षणका दृष्टिले महत्वपूर्ण कार्यका रूपमा लिएको छ ।

सेयर गर्नुहोस्

प्रतिक्रिया दिनुहोस्

सम्बन्धित खवर