पक्की पुलको ढलानको तयारी
तनहुँको व्यास नगरपालिका–११ स्थित परासर मोटर मार्ग अन्तर्गत घाँसीकुवामा निर्माणाधिन पक्की पुल ढलानका लागि आवश्यक तयारी गरिदै । उक्त पुलको बुधबार व्यास नगरपालिकाका नगरप्रमुख सहितको टोली स्थलगत अनुगमन गरेको थियो। व्यासको गौरवको आयोजनाका रुपमा रहेको यस मार्गलाई विश्व बैंकको अनुदानमा पक्की नालासहित कालोपत्र गर्नेलाई अगाडि बढाइएको छ ।
व्यास–७, ९, १० र ११ वडालाई जोड्ने गरी निर्माण भइरहेको चक्रपथ मार्गको स्तरोन्नतिका लागि निर्माण कम्पनीले मूल्य अभिवृद्धि कर (भ्याट) सहित रु ४० करोड ८३ लाख ३५ हजार ९२१ मा ठेक्का सम्झौता गरेको छ । पराशर मार्गअन्तर्गत पर्ने बुल्दीखोला, घाँसीकुवा बेल्टारी, अधेँरी भञ्ज्याङ, पोख्रेलफाँट, कुमाल गाउँ, समता विद्यालय, नराङ हुँदै कलेस्तीसम्म १०.६ किलोमिटर कालोपत्र गरिने नगरपालिकाकाले जनाएको छ । तस्विर : भञ्ज्याङ
