तनहुँ–१ एमाले उम्मेदवार न्यौपानेको चुनावी प्रतिवद्धतामा के–के समेटिए ?

तनहुँ : आगामी फागुन २१ गते हुने प्रतिनिधिसभा सदस्य निर्वाचनका लागि तनहुँ निर्वाचन क्षेत्र नं. १ मा नेकपा एमालेकी उम्मदेवार भगवती न्यौपानले आफ्नो चुनावी प्रतिवद्धता सार्वजनिक गरेकी छन् ।

 चुनावी प्रतिबद्धतापत्रमार्फत न्यौपानेले संघीय, प्रादेशिक र स्थानीय तहबीच प्रभावकारी समन्वय, कानूनी शासनको सुनिश्चितता तथा भ्रष्टाचारप्रति शून्य सहनशीलता कायम गर्ने उल्लेख गरेकी छन् । राष्ट्रिय स्वाधीनता, सामाजिक न्याय, समान अवसर र समावेशी विकासलाई संस्थागत गर्ने प्रतिवद्धता उनको छ ।

सर्वाजनिक प्रतिवद्धतामा पूर्वाधार विकासतर्फ अन्तरपालिका जोड्ने सडक सञ्जालको स्तरोन्नति, बर्खायाममा पनि सवारी चल्न सक्ने गरी ग्रामीण सडक निर्माण तथा मर्मत, सुरक्षित पक्की पुल निर्माण र आपतकालीन पहुँच सुनिश्चित गर्ने संरचना निर्माणलाई प्राथमिकतामा राखिएको छ। जलविद्युत तथा सिँचाइ आयोजनासँग समन्वय गर्दै बस्ती संरक्षण र उत्पादन–बजार पहुँच सहज बनाइने योजना सार्वजनिक गरिएको छ ।

कृषि क्षेत्रमा न्यूनतम समर्थन मूल्य लागू गर्ने, कृषि उपज संकलन केन्द्र तथा आधुनिक चिस्यान भण्डारण स्थापना गर्ने, सहुलियत ऋण र अनुदानमार्फत महिला र युवालाई कृषि व्यवसायमा आकर्षित गर्ने तथा पाँच वर्षभित्र किसानलाई स्थिर आम्दानी सुनिश्चित गर्ने लक्ष्य प्रतिवद्धतामा समावेश गरिएको छ ।

यस्तै, रोजगारीतर्फ स्थानीयस्तरमै सीपमा आधारित रोजगारी सिर्जना, प्राविधिक तथा व्यावसायिक तालिम, स्टार्टअप र साना उद्यम प्रवद्र्धन, वैदेशिक रोजगारीबाट फर्किएका युवाको पुनःस्थापना तथा निजी र सहकारी क्षेत्रसँग साझेदारीमा उद्योग स्थापना गर्ने योजना उल्लेख गरिएको छ। महिला, दलित, आदिवासी तथा विपन्न युवाका लागि विशेष रोजगारी कार्यक्रम सञ्चालन गर्ने प्रतिवद्धता पनि जनाइएको छ ।

शिक्षा क्षेत्रको विकासका लागि सामुदायिक विद्यालय सुदृढीकरण, डिजिटल कक्षा सञ्चालन, प्राविधिक शिक्षालय स्थापना, छात्रवृत्ति तथा प्रतिभा पहिचान कार्यक्रम विस्तार गरिने उल्लेख छ । स्वास्थ्य क्षेत्रमा विशेषज्ञ सेवा सहितको सुविधासम्पन्न अस्पताल निर्माण, स्वास्थ्य चौकी सुदृढीकरण, टेलिमेडिसिन सेवा विस्तार, निःशुल्क औषधि तथा स्वास्थ्य बीमा कार्यक्रमको निरन्तरता र ग्रामीण क्षेत्रमा मोबाइल स्वास्थ्य सेवा सञ्चालन गरिने योजना सार्वजनिक गरिएको छ ।

यस्तै, पर्यटन प्रवर्द्धनअन्तर्गत बन्दीपुर, देवघाट लगायतका क्षेत्र समेटेर पर्यटन सर्किट विकास, होमस्टे प्रवर्द्धन, धार्मिक तथा सांस्कृतिक सम्पदाको संरक्षण र दिगो पर्यटनमार्फत स्थानीय रोजगारी सिर्जना गर्ने उल्लेख गरिएको छ ।

उम्मेदवार न्यौपानेले सुशासन, पारदर्शिता र जनप्रतिनिधिको प्रत्यक्ष जवाफदेहितालाई संस्थागत गर्दै पाँच वर्षभित्र नागरिकले अनुभूति गर्ने परिवर्तन ल्याइने दाबी गरेकी छन् । आगामी निर्वाचनमा आफ्नो पक्षमा मत दिन मतदातासँग आग्रह गर्दै उनले “समृद्ध नेपाल, सुखी नेपाली”को राष्ट्रिय आकांक्षा साकार पार्न तनहुँ क्षेत्र नं. १ बाट बलियो जनमत आवश्यक रहेको बताएकी छन् ।

¨ अन्तरपालिका जोड्ने प्रमुख सडक सञ्जालको स्तरोन्नति,

¨ सुरक्षित र दिगो पक्कि पुलमार्फत प्रत्येक गाउँ–सहरलाई जोड्ने योजना,

¨ निर्वाचन क्षेत्र भित्रका सम्पूर्ण ग्रामिण बस्तिहरुमा बार्दै महिना सवारी चल्न सक्ने गरी सडक संरचना निर्माण तथा विद्यमान सडकहरुको मर्मत, सुधार गर्दै पक्की संरचना निर्माणमा पहल,

¨ आपतकालीन पहुँच सुनिश्चित गर्ने ब्रिज तथा सडक संरचना निर्माण

¨जलविद्युत र सिँचाइ योजनाहरुमा समन्वय गर्दै सडकपूर्वाधार विकास, बस्ति संरक्षणमा पहल,

¨ ग्रामीण र कृषि सडक विस्तार, उत्पादन र बजार पहुँच सहज बनाउने।

¨ डिजिटल पूर्वाधारसँग समन्वय गरी स्मार्ट सडक तथा स्मार्ट सिटिको निर्माण योजना,

¨ किसानको आय बढाउने र कृषि आधुनिकीकरणमा जोड,

¨ गाउँमा आत्मनिर्भर र दिगो अर्थतन्त्र निर्माण,

¨नदी, खोल्सा र मुहानमा आधारित स्थायी सिँचाइ भुमिगत सिंचाई आयोजना निर्माण,

¨ खाद्यन्नबालि, फलफुल खेती, मौरीपालन तथा पशुपन्छी पालनका लागि विशेष कार्यक्रम,

¨ न्यूनतम समर्थन मूल्य लागू गरी सहकारी र बजार व्यवस्थापन,

¨ कृषि उपज संकलन केन्द्र र आधुनिक चिस्यान भण्डारण केन्द्र स्थापना,

¨ गाउँ–सहर जोड्ने कृषि सडक विस्तार,

¨ कृषि व्यवसायमा संलग्न महिला र युवालाई सहुलियत ऋण र अनुदानमा पहल,

¨ प्राविधिक तालिम र नवप्रवर्तन प्रवर्द्धनका कार्यक्रममा जोड,

¨ पाँच वर्षभित्र किसानले आफ्नो उत्पादनको उचित मूल्य र स्थिर आम्दानी प्राप्त गर्नेछन्

¨ रोजगारी, युवा र उद्यमशीलता विकास,

¨ स्थानीयस्तरमा सिपमा आधारित रोजगारी सुनिश्चित कार्यक्रममा जोड,

¨ युवाका लागि सीपमूलक तालिम र व्यावसायिक प्रशिक्षण,

¨ कृषि, पर्यटन, निर्माण र सेवाक्षेत्रमा स्थानीय श्रमलाई प्राथमिकता,

¨ वैदेशिक रोजगारीबाट फर्किएका युवाको पुनःस्थापना र रोजगारी,

¨ स्टार्टअप, नवप्रवर्तन र साना उद्यमका लागि सामुहिक युवा उद्यम कार्यक्रम संचालन,

¨ युवालाई आफ्नै क्षेत्रमा व्यवसाय र भविष्यको अवसर सिर्जना,

¨ रोजगार सिर्जना गर्न निजी र सहकारी क्षेत्रहरुसंग साझेदारी तथा उद्योग स्थापनामा प्रोत्साहन,

¨ महिला, दलित, आदिवासी तथा विपन्न युवाका लागि विशेष रोजगारी कार्यक्रम,

¨ डिजिटल, सूचना–प्रविधि र नवप्रवर्तनमूलक काममा अवसर विस्तार,

¨ महिला, पुरुष दुवैलाई समान अवसर, सम्मान र सहभागिता सुनिश्चित,

¨ महिलाको आर्थिक सशक्तिकरणका लागि सहकारी, उद्यम र सीप विकास,

¨ हिंसा पीडित, एकल र विपन्न महिलालाई सुरक्षा र पुनःस्थापना कार्यक्रम संचालन,

¨ नीति र निर्णय तहमा महिलाको अर्थपूर्ण सहभागिता,

¨ दलित, जनजाति, अपाङ्गता भएका नागरिक र पिछडिएका समुदायको समावेशी पहुँच,

¨ रोजगारीका विभिन्न क्षेत्रहरुमा महिला, बालबालिकाको विशेष संरक्षण,

¨ लैङ्गिक समानता, सामाजिक न्याय प्रवर्द्धन र नेतृत्व क्षमता विकासमा प्राथमिकता,

¨ स्थानीय तहमा महिला उद्यम, स्वरोजगार र वित्तीय पहुँचलाई प्रोत्साहन,

¨ सामुदायिक विद्यालयको सुदृढीकरण र गुणस्तर सुधार,

¨ प्राविधिक तथा व्यवसायिक शिक्षाको विस्तार र प्राविधिक शिक्षालय स्थापनामा पहल,

¨ सामुदायिक विद्यालयमा डिजिटल कक्षा र शिक्षक क्षमता विकास,

¨ विद्यालयस्तरमा छात्रवृत्ति तथा प्रतिभा पहिचान कार्यक्रम संचालन,

¨ आधुनिक शिक्षण सामग्री र प्रविधिमा पहुँच सुनिश्चित,

¨ विद्यालय पूर्वाधार र खेलकुद सुविधामा सुधार,

¨ बालबालिका र युवामा नवप्रवर्तनात्मक शिक्षा प्रवर्द्धन,

¨ स्थानीय भाषामा गुणस्तरीय शिक्षा सुनिश्चितमा पहल,

¨ महिला र पिछडिएका समुदायका लागि विशेष कार्यक्रमहरु संचालन

¨ निर्वाचन क्षेत्र भित्रका नगर अस्पतालहरुको सुदृढीकरण,

¨ निर्वाचन क्षेत्र भित्रका नागरिकहरुलाई पायक पर्ने स्थानमा एउटा विशेषज्ञ सेवा सहितको

¨ सुविधा सम्पन्न अस्पताल निर्माणमा पहल,

¨ स्वास्थ्य चौकीहरुको विस्तार र गुणस्तरीय सेवा सुनिश्चित,

¨ विशेषज्ञ सेवा र टेलिमेडिसिनको पहुँच,

¨ मातृ, बालबालिका र जेष्ठ नागरिक लक्षित स्वास्थ्य कार्यक्रमहरुको विस्तार,

¨ निःशुल्क औषधि र स्वास्थ्य बीमा कार्यक्रमको निरन्तरताका लागि पहल,

¨ आकस्मिक स्वास्थ्य सेवा र आपतकालीन राहत कार्यक्रमहरु संचालन,

¨ स्थानीय स्वास्थ्यकर्मी प्रशिक्षण र क्षमता विकास कार्यक्रम संचालन,

¨ ग्रामीण क्षेत्रमा मोबाइल स्वास्थ्य सेवा र पहुँच सुनिश्चित,

¨ स्थानीय धार्मिक स्थलहरुको संरक्षण र पूर्वाधार विकासमा जोड,

¨ मेला, पर्व र जात्राको व्यवस्थित प्रवद्र्धन,

¨ धार्मिक पर्यटनमार्फत स्थानीय रोजगारी सिर्जना,

¨ सबै धर्म, संस्कृति र आस्थाप्रति समान सम्मान,

¨ सांस्कृतिक सम्पदा संरक्षण र स्थानीय कला प्रवर्द्धन,

¨ ऐतिहासिक स्थल र सम्पदाको दिगो व्यवस्थापनमा जोड,

¨ सामाजिक सद्भाव, सहिष्णुता प्रवर्द्धन तथा स्थानीय भाषा, कला, नृत्य र परम्परा संरक्षण,

¨ छाब्दी बराह–थानिमाई–बन्दीपुर–छिम्केश्वरी–देवघाट पर्यटन सर्किट विकास,

¨ पर्यटकिय स्थानहरुमा होमस्टे तथा होटलहरुको प्रवर्द्धन

¨ पर्यटनसँग जोडिएका युवालाई तालिम र क्षमता विकास,

¨ नवप्रवर्तन र साना पर्यटन व्यवसायका लागि सहुलियत ऋण र प्रवद्र्धन,

¨ स्थानीय कला, संस्कृति र खानाको ब्रान्डिङ कार्यक्रम संचालन,

¨ ऐतिहासिक र प्राकृतिक स्थलको संरक्षण, पूर्वाधार विकास र आकर्षण वृद्धि,

¨ सुरक्षित, दिगो र वातावरणमैत्री पर्यटन,

¨ ग्रामीण पर्यटन मार्फत समुदायको आर्थिक सशक्तिकरण,

¨ सूचना–प्रविधि प्रयोग गरी पर्यटकिय सेवा र पहुँचमा सुधार,

¨ भ्रष्टाचारप्रति शून्य सहनशीलता,

¨ सेवा प्रवाहमा पारदर्शिता, सरलता र समयसीमा सुनिश्चित,

¨ जनप्रतिनिधि र नागरिकबीच नियमित संवाद र प्रत्यक्ष जवाफदेहिता,

¨ पाँच वर्षभित्र संबैले अनुभूति गर्ने परिवर्तन सुनिश्चित,

¨ सुशासन, नियम र कानुनको सम्मान गर्दै संविधानको संरक्षण र पूर्ण कार्यान्वयन,

¨ सार्वभौमसत्ता र स्वाधीनता सुरक्षित, लोकतन्त्र र नागरिक अधिकारको प्रवर्द्धन,

¨ काँधमा काँध मिलाएर समृद्ध नेपाल, सुखी नेपालीको साझा सपना साकार ।