देवघाट गाउँपालिकाका अध्यक्ष थापाद्वारा असाय वृद्वको उद्धार

कोरोना महामारीमा बिचल्लीमा परेको वृद्वलाई देवघाट गाउँपालिका अध्यक्ष दुर्ग बहादुर थापाले घरमै पुगेर उद्दार गरेका छन् । अध्यक्ष थापाले ओखलढुंगा घर भइ २० बर्षदेखि देवघाटको पुरानो झालुङ्गे पुलमा मागेर दैनिक गुजारा चलाउने न्यौपाने थरका करिब ८३ वर्षीय वृद्वको उनी बस्ने घरबाटै उद्वार गरेका हुन् ।आफ्नो नाम पनि बताउन नसक्ने वृद्व देवघाटमा अर्काको काठको कच्ची घरमा एक्लै बसोबास गर्दै आएका थिए । स्थानीयहरुले वृद्व जेष्ठ नागरिक बिरामी भएको खबर सुनाए पछि आफु र केही स्थानीय ब्याक्तिहरु सहित तत्काल सो स्थानमा पुगि वृद्वको उद्दार गरिएको अध्यक्ष थापाले बताए। वृद्वको उद्दार पछि उपचार गरिने र खान बस्नको लागि उचित ब्यवस्थापन गरिएको अध्यक्ष थापाले बताए ।उद्धारको क्रममा उनको साथबाट नगद २ हजार २ सय रुपैयाँ समेत फेला परेको इलाका प्रहरी कार्यालय देवघाटका इन्चार्ज सुशील लामिछानेले बताए । ती वृद्ध करिब १५ दिनदेखि भोको रहेको र खानै नपाएको कारण केही दिनदेखि थला परेको स्थानीयले बताएका छन् ।सो उद्दार कार्यमा स्थानीय गणेश टोल विकास संस्थाका सचिव अमृत घिमिरे, रामहरी पुडासैनी, लियो क्लब अफ देवघाट चौतारीका अध्यक्ष आत्माराम पाण्डे र देवघाट गाउँपालिका सामाजिक अभियान्ता केशव पोख्रेल लगायतको सहभागिता रहेको थियो ।

सेयर गर्नुहोस्

प्रतिक्रिया दिनुहोस्

सम्बन्धित खवर