बिभिन्न ब्यक्तिद्वारा पत्रकार कल्याणकारी कोषमा आर्थिक सहयोग
भञ्ज्याङ न्यूज
नेपाल पत्रकार महासंघको पत्रकार कल्याणकारी कोषमा सोमबार विभिन्न व्यक्तिहरुले आर्थिक सहयोग उपलब्ध गराएका छन् । महासंभको उक्त कोषमा सोमबार १० हजार ५५ रुपयाँ सहयोग संकलन भएको बताइएको छ ।
उक्त कोषमा व्यास-७ पाथ्रा स्थायी ठेगाना भई हाल व्यास ४ नमुना टोल निवासी ८० वर्षीय मुक्तिनाथ न्यौपानेले तीन हजार ५५ रुपयाँ उपलब्ध गराएका छन्। न्यौपानले सरकारले आफुलाई दिएको वृद्धभत्ताबाट खाजा खर्च कटाएर सहयोग गरेको बताएका छन् ।
यस्तै, कोषका लागि व्यास नगरपालिका-१ भादगाउँका नेपाल तरूण दलका नेता सुनिल पन्थले २ हजार रकम हस्तान्तरण गरेका छन् । आफनो सानो सहयोगले पत्रकारको यस कोषमा केही भएपनि थप मद्दत पुग्ने हुँदा सहयोग गरेको बताएका छन् ।
व्यास-४ का युवा व्यवसायी खेम गुरूङले २ हजार पाँच सय सहयोग प्रदान गरेका छन्। पत्रकारको यस अभियानमा सबैको सहयोगले जिल्लाका क्रियाशील पत्रकारहरू बिरामी पर्दा टेवा पुग्ने गुरुङले बताए ।
त्यस्तै, व्यास-४ निवासी क्या. भरतबहादुर अधिकारीले पत्रकार कल्याणकारी कोषका लागि २ हजार ५ सय रूपयाँ सहयोग गरेका छन् । क्षत्री समाज नेपालका केन्द्रिय सदस्य समेत रहेका अधिकारीले समाजको ऐनाको रूपमा काम गर्ने सञ्चार जगतको हितमा प्रयोग गर्ने कल्याणकारी कोषमा उक्त रकम सहयोग गरेका बताएका छन् ।
