तनहुँमा जेठ मसान्तसम्म निषेधाज्ञा लम्बियो (निर्णय सहित)
भञ्ज्याङ न्यूज
जिल्ला प्रशासन कार्यालय तनहुँले जिल्लामा जेठ ३१ गतेसम्मका लागि निषेधाज्ञा लम्बाएको छ । वैशाख २३ गतेबाट जारी निषेधाज्ञालाई निरन्तरता दिंदै जेठ मासन्तसम्म पुर्याइएको हो ।
जिल्ला कोभिड संकट व्यवस्थापन केन्द्र तनहुँको शुक्रबार बसेको बैठकले कोरोना भाइरस संक्रमण जोखिम अझै नघटेको र समुदायमा संक्रमण समेत बढ्दै गएकाले शनिबारसम्म तोकिएको निषेधाज्ञालाई जेठ मसान्तसम्म लम्ब्याउन सिफारिस गरेको थियो । उक्त सिफारिसको आधारमा पुनः निषेधाज्ञा जारी गरिएको प्रमुख जिल्ला अधिकारी सागर आचार्यले बताए ।
निषेधाज्ञा अवधिमा बिहान ५ देखि ९ बजेसम्म मात्रै अत्यावश्यक सेवा संचालन गर्ने र अत्यावश्यक सेवा संचालन गर्ने व्यक्तिको अनिवार्य पिसियार र एन्टिजेन परीक्षण गर्न डिसिसियमसिको बैठकले सिफारिस गरेको छ ।
यस्तै, प्रमुख जिल्ला अधिकारीको अध्यक्षतामा बसेको स्वास्थ्य अधिकारीसहितको बैठकले कोभिड संक्रमण समुदायस्तरमा फैलिएको आशंका गर्दै बढी जोखिम युक्त क्षेत्रको पहिचान गरी पीसीआर परीक्षणको दायारा बढाउन माग गरिएको छ ।
पीसीआर परीक्षणको नतिजा ढिलो आउँदा संक्रमण समुदायमा फैलिएको स्वास्थ्य अधिकारी सहितको बैठकले निष्कर्ष निकालेको थियो । कोरोनासंग मिल्दाजुल्दा लक्षण देखिएका व्यक्तिहरु परीक्षणको दायारामा नआउने तथा होम आइसोलेशनमा बसेका व्यक्तिहरुको लापरवाहीका कारण पनि तनहुँमा दैनिक कोरोना संक्रमितको संख्या बढ्दै गएको बताइएको छ ।
