टिकटक बनाउने क्रममा सेतीमा खस्दा नवदुलही बेपत्ता

तनहुँको शुक्लागण्डकी नगरपालिका-८, पुलचोकस्थित रक गार्डेन -सेती नदी छेउ)मा टिकटक बनाउने क्रममा खस्दा नवदुलही बेपत्ता भएकी छिन् । बेपत्ता हुनेमा लालिम माइत भएकी १९ बर्षीया पवित्रा लम्साल रहेको इलाका प्रहरी कार्यालय बेलचौताराले जनाएको छ ।

पाँच दिन अघि विवाह गरेकी लम्साल दुल्हन फर्काउन माइत आएकी थिइन् । मंगलबार दिउँसोसंगै पढ्ने आफ्ना दुइ साथीहरुसंगै घुम्नका लागि पुलचोक गएकी उनी साथीहरुसंग टिकटक बनाउने क्रममा अचानक चिप्लिएर बेपत्ता भएकी हुन् ।

उनी माथिल्लो काठको पुल छेउमा रहेको ढुङ्गामा उभिएकी र चिप्लिएर नदीमा खसेको उनका साथीहरुले बताएको प्रहरी निरीक्षक ज्ञानबहादुर खड्काले बताए ।

नदीमा खसेपछि उनका साथीहरुले प्रहरीलाई खबर गरेका थिए । अहिले स्थानीय, आफन्त र प्रहरीले बेपत्ता लम्सालको खोजी कार्य गरिरहेको प्रहरीले जनाएको छ ।

सेयर गर्नुहोस्

प्रतिक्रिया दिनुहोस्

सम्बन्धित खवर