एमाले बन्दिपुर-३ को अध्यक्षमा खेमराज
भञ्ज्याङ न्यूज
नेपाल कम्यूनिष्ट (एमाले) बन्दिपुर गाउँ कमिटी अर्न्तर्गत वडा नम्बर ३ को अध्यक्षमा खेमराज भट्टराइ चयन भएका छन् । वडा कमिटीको विहीबार सुखौरामा सम्पन्न वडा अधिवेशनले भट्टराइको अध्यक्षतामा २७ सदस्सीय वडा कमिटी सर्वसम्मत चयन गरिएको छ । कमिटीको उपाध्यक्षमा रेशम थापा, सचिव पंकज भट्टराइ, उपसचिव विष्णुमाया भट्टराइ रहेका छन् । वडा कमिटीको इन्चार्जमा पशुपती भट्टराइ चयन भएका छन् ।
त्यस्तै भेलाले कृष्णमाया थापा अध्यक्ष, सुनिता भट्टराइ उपाध्यक्ष, अनिता भट्टराइ सचिव र सानुमाया गुरुङ, उपसचिव रहेको १७ सदस्यीय अखिल नेपाल महिला संघ वडा नम्बर ३ कमिटी र खुशीमान थापा अध्यक्ष, विश्वराज गुरुङ उपाध्यक्ष, शिवानी बिक सचिव र बिपिन भट्टराइ उपसचिव रहेको राष्ट्रिय युवा संघ नेपाल वडा कमिटी गठन गरिएको छ ।
कार्यक्रममा नेकपा एमाले जिल्ला कमिटी उपसचिव बिष्णुभक्त सिग्देल, एमाले बन्दिपुर गाउँ कमिटीका अध्यक्ष सुरेन्द्र थापा, राष्ट्रिय युवा संघका केन्द्रीय सदस्य रवि श्रेष्ठ लगायतले शुभकामना मन्तव्य व्यक्त गरेका थिए ।
