म्याग्देको अध्यक्षमा एमालेका श्रेष्ठ र उपाध्यक्षमा कांग्रेस घिमिरे निर्वाचित
भञ्ज्याङ न्यूज
म्याग्दे गाउँपालिकाको अध्यक्षमा नेकपा (एमाले) का उम्मेदवार श्रीप्रसाद श्रेष्ठ र उपाध्यक्षमा नेपाली कांग्रेसका उम्मेदवार बालकृष्ण घिमिरे निर्वाचित भएका छन् । सोमबार सार्वजनिक मतपरिणाम अनुसार श्रेष्ठले ४ हजार ९ सय ५० र घिमिरेले ५ हजार ३९ मत ल्याएर निर्वाचित भएका हुन् ।
कांग्रेसबाट अध्यक्षका उम्मेदवार मायादेवी राना आलेले ४ हजार २३२ मत ल्याएकी छन् भने एमालेबाट उपाध्यक्षका उम्मेदवार रत्नदेवी घिमिरेले ४ हजार २ सय मत ल्याएकी छन् । यस पालिकामा अध्यक्ष र उपाध्यक्ष दुवै पदमा फरक पार्टीका पुरुष उम्मेद्वार विजयी भएका हुन् ।
यस्तै, म्याग्दे वडा नम्बर १ मा एमालेका मणिभद्र वाग्ले, वडा नम्बर २ मा कांग्रेसका शिवबहादुर क्षेत्री, वडा नम्बर ३ मा एमालेका टुकराज अधिकारी, वडा नम्बर ४ मा कांग्रेसका दीपककुमार श्रेष्ठ, वडा नम्बर ५ मा कांग्रेसका शिवबहादुर आले, वडा नम्बर ६ मा कांग्रेसका हिरालाल गुरुङ र वडा नम्बर ७ मा एमालेका उम्मेद्वार वडाध्यक्षमा बिजयी भएका छन् ।
