व्यास नगरपालिकाले गत आवमा गर्‍यो ३८ किमी सडक विस्तार, एक वर्षमा जम्मा ४ किमी कालोपत्र

तनहुँको व्यास नगरपालिकाले गत आर्थिक वर्ष २०७९/८० मा ३८ किलोमिटर सडक विस्तार गरेको छ । नगरपालिकाको योजना शाखाका अनुसार गएको वर्षमा ४ किलोमिटर मात्र सडक कालोपत्रे गरेको छ भने २६ किलोमिटर नयाँ ट्रयाक खोलिएको र ८ किलोमिटर सडक ग्राभेल गरिएको हो ।

त्यस्तै १७ किलोमिटर पक्की नाला समेत विस्तार गरिएको योजना शाखाका अधिकृत भेषराज तिवारीले बताए । उनका अनुसार थप ४ किलोमिटर सडक कालोपत्रे हुँदै गरेको र केही महिनामै सम्पन्न हुनेछ । उनले भने, ‘नगरपालिकाको आफनौ लागतमा उक्त सडक पिच गरेका हौं, १ कि.मी सडक पिच गर्न १ करोड भन्दा बढी रकम खर्च हुने गर्दछ । पिच गरिएको सडकमा कालोपत्रे मात्र गरिदैन, पक्की नाला निर्माणदेखि पहिरो रोकथामको भौतिक निर्माण गरिन्छ ।’

योजना शाखाका अनुसार गत वर्षमा ११ वटा वडामा कुल १२ कि.मी नयाँ ट्रयाक विस्तार गरिएको छ । जस अनुसार वडा नं १ मा ६२० मिटर, वडा नं ३ मा ६५० मिटर, वडा नं ४ मा १ सय मिटर, वडा नं ५ मा ८५३ मिटर, वडा नं ६ मा ८३५ मिटर, वडा नं ८ मा ७५० मिटर, वडा नं ९ मा १ हजार २ सय मिटर, वडा नं १० मा १ हजार मिटर, वडा नं १२ मा ४९२ मिटर, वडा नं १३ मा २ हजार ४९० मिटर र वडा नं १४ मा २ हजार ८९० मिटर सडक नयाँ ट्रयाक विस्तार गरिएको छ ।

यस्तै, ८ नं. वडा मा २४ कि.मी बाटोमा ग्राबेल गरिएको छ । वडा नं ६ मा ६ कि.मी, वडा नं ८ मा ७२० मिटर, वडा नं १० मा १.५ कि.मी, वडा नं ११ मा ५ कि.मी, वडा नं १२ मा १.२ कि.मी, वडा नं १३ मा २.१ कि.मी र वडा नं १४ मा ६८० मिटर बाटोमा ग्राबेल गरिएको छ ।

सेयर गर्नुहोस्

प्रतिक्रिया दिनुहोस्

सम्बन्धित खवर