तनहुँको घाँसीकुवामा बस दुर्घटनाहुँदा १ जनाको मृत्यु, ३५ जना घाइते
काँकडभिट्टाबाट पोखरा तर्फ आउदै गरेको ग १ ख ७८९५ नम्वरको बस पृथ्वीराज मार्ग अन्तर्गत तनहुँको ब्यास-१२ घाँसीकुवामा यात्रुबाहक बस आज बिहान करिव ६:०० बजेको समयमा दुर्घटना भएको छ । उक्त दुर्घटनामा परि १ जनाको मृत्यु भएको छ भने ३५ जना घाईते भएका छन् ।
बस सडकबाट अनियन्त्रित भई सडकबाट तल खसेको जिल्ला प्रहरी कार्यालय तनहुँले जनाएको छ ।
दुर्घटनामा घाइते भएकाहरुको दमौली अस्पताल र रत्नहरि अस्पतालमा उपचार भइरहेको जिल्ला प्रहरी कार्यालय तनहुँका प्रहरी नायब उपरीक्षक मोहनबहादुर खाँणले जानकारी दिए । घाइतेमध्ये केहीलाई पोखरा पठाइएको छ ।
