भानुमा बृहत् शैक्षिक सामग्री प्रदर्शनी महोत्सव, ४२ वटा सामुदायिक विद्यालयको सहभागिता
तनहुँको भानु नगरपालिकामा पालिकास्तरीय बृहत शैक्षिक सामाग्री प्रदर्शनी महोत्सव सञ्चालन गरेको छ । नगरपालिकाको शिक्षा युवा तथा खेलकुद शाखाले आयोजना गरेको विद्यालयस्तरीय शैक्षिक सामग्री प्रदर्शनी महोत्वसमा ४२ वटा सामुदायिक विद्यालयको सहभागिता रहेको थियो ।
प्रदर्शनीको शुभारम्भ गर्दै भानुका नगर प्रमुख आनन्दराज त्रिपाठीले बालबालिका सिर्जनाका खानी हुन् भन्ने तथ्य यस प्रदर्शनीमा राखिएका विद्यार्थी निर्मित सामग्रीहरुले पुष्टि गरेको बताए । उनले भने, ‘अभिभावकहरुले अनुकुल सिकाइ वातावरण सिर्जना गर्यौं र उनीहरुलाई प्रोत्साहन र हौसला दियौं भने बालबालिकाहरुबाट उत्कृष्ट कार्यसम्पादन हुन्छ भन्ने कुराको ज्वलन्त नमूना यस शैक्षिक महोत्सवले देखाएको छ ।’
नगरप्रमुख त्रिपाठीले विषयगत शिक्षकहरुहरुको उचित मार्गनिर्देशनमा बालबालिकाहरुले अत्यन्त मिहिनेतका साथ बनाइएका सामग्रीहरु कक्षा कोठा शिक्षणमा पनि प्रयोग हुने र यसले कक्षा शिक्षणमा विद्यार्थीलाई उत्प्रेरित गर्नुका साथै सिकाइलाई दिगो र प्रभावकारी बनाउन मद्दत पुग्दा शैक्षिक गुणस्तर अभिवृद्धिमा टेवा पुग्नेछ विश्वास व्यक्त गरे ।
भानु नगरपालिकाका प्रमुख प्रशासकीय अधिकृत दिवाकार पौडेलको अध्यक्षतामा आयोजित शैक्षिक प्रदर्शनीका विषयमा नगर शिक्षा अधिकारी ध्रुवराज पौडेलले सहजिकरण गरेका थिए । भानु नगरपालिकामा पहिलो पटक आयोजना गरिएको यस प्रदर्शनी महोत्सवमा राखिएका सामग्रीको मूल्याङ्कन गर्नका लागि भानुका छिमेकी पालिकामा कार्यरत विषयगत शिक्षकहरुलाई विज्ञको रुपमा आमन्त्रण गरिएको थियो ।
प्रदर्शनीमा राखिएका सामग्रीको आकर्षण, पाठ्यक्रमसँगको सान्दर्भिकता, सामग्रीको प्रयोग उपयोगिता र टिकाउपन, मौलिकता र सिर्जनात्मकता, स्थानीय सामग्रीको प्रयोग र प्रस्तुततीकरण गरी विभिन्न ६ वटा मापदण्डहरु तय गरी मूल्याङ्कन गरिएको नगरशिक्षा अधिकारी पौडेलले जानकारी गराए ।
प्रदर्शनीमा राखिएका सामाग्रीहरुको मूल्याङ्कनकर्ता विषय विज्ञहरुबाट गरिएको प्रतियोगिताको तहगत र विषयगत नतिजा अनुसार प्राथमिक तहको अंग्रेजी विषयमा प्रथमः होरालो शाशिस मावि भानु २ नारेश्वरटार, द्वितीयः पूर्कोट मावि भानु ७ बसन्तपुर, तृतीयः मनोहर मावि भानु ८ महन्तेहटिया हुन सफल भएका छन् । नेपाली विषयमा प्रथमः चोक मावि भानु १० रामपुरटार, द्वितीयः त्रिभुवन मावि भानु ११ मानेचौका, तृतीयः चन्द्रोदय प्रावि भानु ५ नाबरुङ् भएका छन् ।
गणित विषयमा प्रथमः मर्स्याङ्दी आवि भानु ३ खहरे, द्वितीयः चन्द्रोदय प्रावि भानु ५ नाबरुङ, तृतीयः राष्ट्रिय मावि भानु ११ मयाँखु हुन सफल भएका छन् भने, विज्ञान विषय तर्फ प्रथमः चन्द्रावती मावि भानु ७ चुँदी, द्वितीयः सरस्वती सदन मावि भानु ५ मैवल, तृतीयः कर्मदा मावि भानु ९ बाइसजंघार भएका छन् । सामाजिक विषय तर्फ प्रथमः त्रिभुवन मावि भानु ११ मानेचौका, द्वितीयः विद्यानिुकुञ्ज मावि भानु १२ वयापानी, तृतीयः होरालो शाशिस मावि भानु २ नारेश्वरटार भएका छन् ।
यस्तै, निम्न माध्यमिक तहको अंग्रेजी विषय तर्फ प्रथमः विद्यानिकुञ्ज मावि भानु १२ वयापानी, द्वितीयः सरस्वती सदन मावि भानु ५ मैवल, तृतीयः जनजागृति मावि भानु ३ तुरतुरे भएका छन् भने, नेपाली विषय तर्फ प्रथमः होरालो शाशिस मावि भानु २ नारेश्वरटार, द्वितीयः कर्मदा मावि भानु ९ बाइसजङ्घार, तृतीयः मनोहर मावि भानु ८ महन्तेहटिया भएका छन् भने, गणित विषय तर्फप्रथमः कालिका मावि भानु ९ डुम्रिखर्क, द्वितीयः नारायणी आवि भानु ५ बारीफाँट, तृतीयः मनोहर मावि भानु ८ महन्तेहटिया भएका छन् ।
विज्ञान विषय तर्फ प्रथमः राष्ट्रिय मावि भानु ११ मयाँखु, द्वितीयः कर्मदा मावि भानु ९ वाइसजंघार, तृतीयः सरस्वती मन्दिर मावि भानु १२ घलेछाप भएका छन । सामाजिक विषय तर्फ प्रथमः सत्यवती देवी आवि भानु १ सालविस्ने, द्वितीयः कालिका मावि भानु ९ डुम्रीखर्क, तृतीयः जनजागृति मावि भानु ३ तुरतुरे भएका छन् ।
यस्तै, माध्यमिक तहको अंग्रेजी विषय तर्फ प्रथमः कर्मदा मावि भानु ९ बाइसजंघार, द्वितीयः चोक मावि भानु १० रामपुरटार, तृतीयः चन्द्रावती मावि भानु ७ चुँदी, तृतीयः कालिका मावि भानु ९ डुम्रिखर्क भएका छन् भने, नेपाली विषय तर्फ प्रथमः त्रिभुवन मावि भानु ११ मानेचौका, द्वितीयः विद्यानिकुञ्ज मावि भानु १२ वयापानी, तृतीयः चोक मावि भानु १० रामपुरटार भएका छन् ।
गणित विषय तर्फ प्रथमः राष्ट्रिय मावि भानु ११ मयाखु, द्वितीयः होरालो शाशिस मावि भानु २ नारेश्वरटार, तृतीयः कर्मदा मावि भानु ९ वाइसजंघार भएका छन् । विज्ञान विषय तर्फ प्रथमः चन्द्रावती मावि भानु ७ चुँदी, द्वितीयः त्रिभुवन मावि भानु १२ मानेचौका, तृतीयः हिमालय मावि भानु ३ चामवास भएका छन् भने, सामाजिक विषय तर्फप्रथमः कर्मदा मावि भानु ९ बाइसजंघार, द्वितीयः त्रिभुवन मावि भानु ११ मानेचौका, तृतीयः कालिका मावि भानु ९ डुम्रिखर्क भएको बताइएको छ ।
