राजमार्गमा ट्राफिक सचेतना
पृथ्वीराजमार्ग अन्तर्गत तनहुँखण्डमा बढ्दो सवारी दुर्घटना न्यूनिकरणका लागि जिल्ला ट्राफिक प्रहरी कार्यालय तनहुँले राजमार्गमा सञ्चालन हुने सवारी साधानलाई ट्राफिक सचेतना गर्दै ट्रफिक प्रहरीहरु । प्रहरीको टोलीले जिल्लाको मुख्य राजमार्गहरूमा सञ्चालन हुने सार्वजनिक सवारी साधन तथा नीजि सवारी साधनहरूको सिट क्षमता अनुगमन गरी सार्वजनिक सवारी साधनहरूमा यात्रुहरूसँग भाडादर सम्बन्धी सोधपुछ तथा भाडादर टाँस गरे/नगरेको चेकजाँच र सार्वजनिक सवारीमा सिसिटिभी क्यामरा जडान गर्नु पर्ने विषयका बारेमा सम्झाई बुझाई कार्यक्रम गरिएको थियो ।
त्यस्तै, ट्राफिक प्रहरीले ट्रयाक्टर, ट्रक र टिप्परको पछाडि टाँसिने रिफ्लेक्टीक स्टिकर, स्पष्ट देखिने नम्बर प्लेट भए/नभएको चेकजाँच गर्नुका साथै हेडलाइट तथा अन्य (फग) लाईट जडान गरे/नगरेको र अवस्था ठीक भए/नभएको समेत सुक्ष्म चेकजाँच गर्ने कार्य गरी दुई पाङ्ग्रे सवारी साधनका चालकहरूलाई तीव्र गतिमा सवारी चलाउँदा हुने जोखिमका बारेमा सम्झाई बुझाई कार्यक्रम सञ्चालन गरिएको बताइएको छ । तस्विर : भञ्ज्याङ
