शैक्षिक सामाग्रि वितरण
आँवुखैरेनी : तनहुँको आँबुखैरेनी गाउँपालिका–६ हिलेखर्क निवासी भिम गुरूङले आफ्नो दाजु देव गुरूङको जन्मदिन तथा चण्डी पूर्णिमाको पावन अवसर पारेर कन्यादेवी परिवारलाई नगद तथा जिन्सी सामग्री सहयोग गरेका छन् ।
विद्यालयामा सोमबार आयोजित एक कार्यक्रमबीच गुरूङले छात्रावास सञ्चालनका लागि आवश्यक रासनपानी, तरकारी, खेलकुद सामग्री, स्टेशनरी सामग्री तथा वाद्यवादन सामग्री गरी करिब ५१ हजार रुपैयाँ बराबरको सहयोग प्रदान गरेका हुन् । साथै उनले कक्षा २ मा अध्ययनरत छात्रा जेनी गुरूङलाई विद्यालय झोला, जुत्ता तथा एक सेट विद्यालय पोशाक समेत उपलब्ध गराएका थिए ।
कार्यक्रममा विद्यालय परिवारले गुरूङको सहयोगप्रति आभार व्यक्त गर्दै यस्तो मानवीय र प्रेरणादायी कार्यले विद्यालयको शैक्षिक उन्नति तथा समग्र विकासमा टेवा पुग्ने विश्वास व्यक्त गरेको छ ।
विद्यालयका अनुसार यस्ता निस्वार्थ सहयोगले समाजमा सेवामूलक भावना अभिवृद्धि हुनुका साथै शिक्षाप्रति सकारात्मक सन्देश प्रवाह हुने गर्दछ ।
सहयोगदाता गुरूङको यस योगदानप्रति धन्यवाद व्यक्त गर्दै विद्यालयले आगामी दिनमा समेत यस्तै सहकार्य र सहयोगको अपेक्षा गरेको जनाएको छ ।
