३२औं विश्व आदिवासी दिवसका अवसरमा तनहुँमा तीन दिनसम्म विविध कार्यक्रम गरिने
दमौली : नेपाल आदिवासी जनजाति महासंघ जिल्ला समन्वय परिषद तनहुँले ३२औँ विश्व आदिवासी दिवस तीन दिनसम्म विविध कार्यक्रम गरी मनाउने भएको छ ।
परिषदका अध्यक्ष सनम तामाङको अध्यक्षतामा शनिबार बसेको बैठकले दिवसलाई भव्य रूपमा मनाउने निर्णय गरेको हो ।
जस अनुसार साउन २२ गते सरकारी तथा गैरसरकारी संस्था, राजनीतिक दल तथा अन्य सम्बन्धित निकायहरूसँग आदिवासी जनजातिको हक अधिकार र आई.एल.ओ. सम्बन्धी विचार गोष्ठी गरिनेछ ।
साउन २३ गते माध्यमिक विद्यालय स्तरीय वक्तृत्वकला प्रतियोगिता र २४ गते जिल्लाका १० वटै स्थानीय तहहरूमा सांस्कृतिक झाँकी र र्यालीसहित विविध कार्यक्रम गरिने अध्यक्ष तामाङले जानकारी दिए ।
