तनहुँ अदालतको हस्तलिखित सूचना : मुद्दाको सुनुवाई अनिश्चितकालका लागि स्थगित

दमौली : तनहुँ जिल्ला अदालतले मुद्दाको सुनुवाई अनिश्चितकालका लागि स्थगित गरेको छ ।

मंगलबार भएको प्रदर्शनमा अदालतमा रहेका मिसिल, कार्यकक्ष, कम्प्युटर लगायत सबै संरचना जलेर पूर्णरुपमा नष्ट भएकाले सबै मुद्दाको सुनुवाई अनिश्चितकालका लागि स्थगित भएको तनहुँ अदालतले जनाएको छ ।

अदालतले बुधबार हस्तिलिखित सूचना जारी गरी कार्यालय सञ्चालन गर्न असहज परिस्थिति सिर्जना हुन आएकाले आजको लागि तोकिएका मुद्दाका पेशी स्थगित गरिएको र तारेख तोकिएका मुद्दाका तारेख नगुज्रिने साथै भोलिदेखिको पेशीमा चढेका तथा अन्य मुद्दाहरुको हकमा सुनुवाई अर्को सूचना नभएसम्म स्थगित गरिएको जनाएको छ ।

सेयर गर्नुहोस्

प्रतिक्रिया दिनुहोस्

सम्बन्धित खवर