पूर्व गृहमन्त्री गोविन्दराज जोशी अस्पताल भर्ना, पौडेलद्वारा स्वास्थ्य लाभको कामना
कोरोना भाइरस (कोभिड १९) को संक्रमति पूर्वगृहमन्त्री तथा नेपाली काँग्रेस सहमहामन्त्री गोविन्दराज जोशीलाई अस्पताल भर्ना गरिएको छ । पुस १० गते कोरोना संक्रमण पुष्टि भएका जोशीको स्वास्थ्यमा समस्या देखिएपछि काठमाडौंस्थित ह्याम्स अस्पतालमा भर्ना गरिएको हो । काँग्रेस वरिष्ठ नेता रामचन्द्र पौडेलले बुधबार समाजिक सञ्जालमा फेसबुकमार्फत जोशीको शीघ्र स्वास्थलाभको कामना गरेका छन् ।
‘मेरा सहयात्री, नेपाली काँग्रेसका पूर्व सहमहामन्त्री एवं पूर्व मन्त्री श्री गोविन्द राज जोशीजी कोभिड–१९ को संक्रमणको कारण अस्वस्थ भै हेम्स अस्पताल काठमाडौंमा उपचाररत हुनुहुन्छ । उहाँको शीघ्र स्वास्थलाभको कामना गर्दछु’ उनले लेखेका छन् । गृहजिल्ला तनहुँबासी पौडेल र जोशबीच काँग्रेसमा लामो समय राजनीतिक टकराब थियो ।
यतिसम्मकी केही महिनाअघि पौडेलकै जोडबलमा जोशीलाई काँग्रेसले पाँच वर्षका लागि साधारण सदस्यसमेत नरहने गरी अनुसाशनको कारबाही गरेको थियो । कोराना संक्रमित जोशीलाई पौडेलले शीघ्र स्वास्थलाभको कामना गरेका छन् ।
