बन्दिपुरको नयाँपुलमा जीप दुर्घटना हुँदा चालक र ३ वटा भैंसी र एउटा पाडो घाइते
भञ्ज्याङ न्यूज
पृथ्वीराजमार्ग अन्तरगत तनहुँको बन्दिपुर-४ नयाँपुलमा आज भैसी बोकेको जीप दुर्घटना भएको छ । उक्त दुर्घटनामा परी जीप चालक र जीपमा ल्याइएका भैंसी घाइते भएका छन् ।
गौराबाट भैसी लिएर पोखरा तर्फआउँदै गरेको ना४च ३८४० नम्बरको जीप सडकबाट करिब २० मिटर तल खसेको इलाका प्रहरी कार्यालय भानु मुकाम डुम्रेका प्रहरी नायब निरीक्षक बिरेन्द्र खड्काले जानकारी गराए ।
दुर्घटनामा परी जीप चालक मकवानपुर गढीका २१ वर्षीय संजिव पाख्रिन घाइते भएका छन् । यस्तै, जीपमा ल्याइएका ३ वटा भैंसी र एउटा पाडोको अवस्था सामान्य रहेको प्रहरीले जनाएको छ ।
