न्युनतम पारिश्रमिक निर्धारण समितिको अन्तरक्रिया

न्युनतम पारिश्रमिक निर्धारण समितिले तनहुँका पत्रकारहरुसंग अन्तरक्रिया गरेको छ । नेपाल पत्रकार महासंघ तनहुँ शाखाको संयोजनमा बुधबार दमौलीमा जिल्ला स्तरीय अन्तरक्रिया कार्यक्रम गरिएको हो । समितिका सदस्य ऋषिकेश श्रेष्ठले सञ्चारकर्मीहरुले न्युनतम पारिश्रमिक निर्धारण समितिले तय गरे अनुरुप पाए नपाएको र जिल्लाको सञ्चार क्षेत्रका विषयमा जानकारी लिएको थियो ।

जिल्ला जिल्लामा पुगेर कर्यक्रमको आयोजना गरेको बताउँदै सदस्य श्रेष्ठले कोभिड-१९ का कारण प्रभावित भएका सञ्चारगृह र सञ्चारकर्मीलाई परेको गुनासाहरु लिएर सूचना तथा सञ्चार मन्त्रालयमा पेश गरी कार्यन्वयमा लैजाने उद्देश्य रहेको बताए ।

समितिले हालसम्म लमजुङ, पोखरा, भक्तपुर र तनहुँ गरी चार जिल्लाका सञ्चारगृह र सञ्चारकर्मी सहभागि गराएर उनीहरुको समस्याका बारेमा बुझने कार्य गरिएको सदस्य श्रेष्ठले बताए । नेपाल पत्रकार महासंघका निवर्तमान अध्यक्ष प्रदीप काफ्लेले जिल्लाबाट बाहिरीने विज्ञापन प्रणालीलाई रोक्न सके न्युनतम पारिश्रमिक निर्धारण समितिले तय गरे अनुरुप मापदण्ड कायम गर्न सकिने बताए ।

महासंघ तनहुँका अध्यक्ष उज्वल पौडेलको अध्यक्षतामा आयोजित कार्यक्रममा महासंघका निवर्तमान अध्यक्ष ओमकार आचार्य, पूर्व अध्यक्ष प्रकाशचन्दै भट्टराइ लगायतले सञ्चारगृहलाई सबल र सक्षम भएमात्र सञ्चार्रर्कीहरुले तोकेको पारिश्रमिक पाउनसक्ने बताए ।

सेयर गर्नुहोस्

प्रतिक्रिया दिनुहोस्

सम्बन्धित खवर