एमाले तनहुँको नवौं अधिवेशन : सर्वसम्मत नभएका पदमा आइतबार दिउँसो २ बजेबाट निर्वाचन
भञ्ज्याङ न्यूज
नेकपा एमाले तनहुँको शुक्रबारबाट दमौलीमा सुरु भएको नवौं अधिवेशन शनिबार साँझबाट निर्वाचन पक्रिया शुरु भएको छ । जिल्ला कमिटीको नयाँ नेतृत्व र्सवसम्मत चयनका लागि निर्वाचन प्रक्रिया अर्न्तर्गत मतदाता नामावली प्रकाशन भएको छ ।
नयाँ नेतृत्व चयनका लागि र्सवसम्मतको प्रयास गरिने र र्सवसम्मत नभए आइतबार दिउँसो २ बजेबाट मतदान गर्ने तयारी गरिएको छ । जिल्ला कमिटीको नयाँ नेतृत्वमा अध्यक्षमा श्रीप्रसाद श्रेष्ठ र्सवसम्मत हुने सम्भावना देखिएको छ ।
यता उपाध्यक्ष, सचिव, उपसचिव र सदस्य पदमा भने आंकाक्षी धेरै भएकाले र्सवसम्मत कार्य जटिल हुने अवस्था देखिएको छ । यो समाचार तयार गर्दासम्म आकांक्षी उम्मेदवारहरुले उम्मेदवारी दर्ता गराउन थालेका थिए ।
अधिवेशनले अध्यक्ष, एक उपाध्यक्ष, एक सचिव, दुइ उपसचिव चयन गर्नेछ। प्रत्येक नगरपालिकाबाट पाँच खुला र दुइ महिला गरी २८ सदस्य, प्रत्येक गाउँपालिकाबाट तीन खुल्ला र दुइ महिला गरी ३० सदस्य, अल्पसंख्यकको तर्फबाट दुइ खुला र एक महिला गरी तीन सदस्य, मजदुरबाट दुइ खुला र एक महिला गरी तीन सदस्य, दलितबाट तीन खुला र दुइ महिला गरी पाँच सदस्य, आदिवासी जनजातिबाट दुइ खुल्ला र एक महिला गरी तीन सदस्य, अपांगबाट एक खुला र एक महिला गरी दुइ सदस्य निर्वाचित हुने छन् ।
यस्तै, खुल्लातर्फ १७ खुल्ला र ९ महिला गरी २६ जना सदस्य निर्वाचित हुनेछन् । अधिवेशनले ५ जना पदाधिकारी सहित १०५ सदस्य जिल्ला कमिटी निर्वाचित गर्ने छ । अधिवेशनमा ५६१ जना प्रतिनिधि चयन भएर आएका छन्। यीनै प्रतिनिधिले जिल्ला कमिटीको नेतृत्व चयन गर्ने छ । त्यस्तै, शनिबार बिहानदेखि सुरु भएको बन्दसत्रले राजनीतिक तथा सांगठनिक प्रतिवेदन पारित गरेको छ । अध्यक्ष केदार सिग्देलले प्रस्तुत गरेको प्रतिवेदन उपर प्रतिनिधिले समूह बनाएर छलफल तथा टिप्पणी गरेका थिए।
नेकपा एमाले तनहुँले एक वडा बाहेक अन्य वडा र पालिकामा र्सवसम्मत नेतृत्व चयन गरेको छ । शीर्ष नेताहरुले जिल्ला कमिटीको नेतृत्व पनि सर्वसम्मत चयन गर्ने कसरत जारी राखेका छन् । करिब आठ वर्षपछि अधिवेशन भएकाले पदका आकांक्षीको संख्या बढेकाले सर्वसम्मत नेतृत्व चयन कार्य जटिल बन्दै गएको छ । अहिलेसम्मको स्थितिमा अध्यक्ष बाहेकका पदमा सर्वसम्मत नेतृत्व चयन हुने अवस्था देखिएको छैन ।
यो समाचार तयार पार्दासम्म अध्यक्ष पदमा हालका उपाध्यक्ष श्रीप्रसाद श्रेष्ठ सर्वसम्मत हुने करिब निश्चित देखिएको छ । तर उपाध्यक्ष, सचिव, उपसचिव र सदस्यहरुमा आकांक्षी बढी भएपछि र्सवसम्मत गर्न पार्टी नेतृत्वलाई हम्मेहम्मे परेको छ ।
उपाध्यक्षमा सचिवालय सदस्य हरिराज कंडेल र भिमाद नगरपालिकाका नगरप्रमुख समेतले उम्मेदवारी दर्ता गराएका छन् । सचिव पदको दाबा गर्दै हालका कार्यवाहक सचिव विष्णुभक्त सिग्देल र कार्यालय सचिव राजेश्वर ढकालले उम्मेदवारी दर्ता गराएका छन् । उपसचिव पदमा प्रदीपराज अधिकारी, खिम कुमाल लगायतले उम्मेदवारी दर्ता गराएका छन् ।
भिमादबाट सात सदस्य र्सवसम्मत
नेकपा एमाले तनहुँको सदस्यमा भिमाद नगरपालिकाबाट सात सदस्य सर्वसम्मत भएका छन् । एमालेको जारी अधिवेशन अन्तरगत भिमाद नगरपालिकाबाट पाँच खुल्ला र दुइ महिला सदस्य र्सवसम्मत भएका हुन् । जिल्ला सदस्यमा उज्वल खनाल, भवानी शंकर लम्साल, सूर्यकुमार श्रेष्ठ, दलराज थापा, धनन्जय गैह्रे र महिलातर्फाट कोपिला लम्साल र दिना गोतामे र्सवसम्मत चयन गरिएको र निर्वाचन समितिबाट आधिकारिक घोषणा हुन बाँकी छ।
