एमाले म्याग्दे पालिका सभादलको नेतामा श्रेष्ठ

नेपाल कम्युनिष्ठ पार्टी (एमाले) म्याग्दे गाउँपालिका सभादलको नेतामा श्रीप्रसाद श्रेष्ठ चयन भएका छन् । निर्वाचित जनप्रतिनिधि मध्ये ज्येष्ठ सदस्य टुकराज अधिकारीको अध्यक्षतामा बसेको पालिका सभादलबाट श्रेष्ठ दलको नेतामा चयन भएका हुन् ।

निर्वाचित जनप्रतिनिधिको सभाबाट उपनेतामा टुकराज अधिकारी, प्रमुख सचेतकमा मणिभद्र वाग्ले, सचेतकमा सुनिता नेपाली, सचिवमा वसन्त कुमार श्रेष्ठ चयन भएका छन् । म्याग्दे गाँउपालिकामा नेकपा एमालेको तर्फाट १५ जना जनप्रतिनिधिको प्रतिनिधित्व रहेको छ ।

कार्यक्रममा एमालेका केन्द्रीय सल्लाहकार सदस्य एकवहादुर रानाले जनमुखी काम गर्न निर्देशन दिएका थिए । जनताको सेवा प्रवाह र विकास निर्माणमा नेकपा एमालेको जनप्रतिनिधीले अगुवाई गर्नुपर्ने बताउँदै उनले चुनावमा गरेको वाचालाई आत्मासात गरेर नै जनताको सेवामा लाग्नलाई समेत उनले सचेत गराए ।

नेकपा एमाले तनहुँका अध्यक्ष एवं म्याग्दे गाँउपालिकाका अध्यक्ष श्रीप्रसाद श्रेष्ठले जनताको विश्वास नगुम्ने गरी काम गर्ने प्रतिवद्धता व्यक्त गरे । हाम्रो उद्देश्य समृद्ध म्याग्दे गाउँपालिका निर्माण गर्नु हो । यसका लागि जनताको साथ समर्थन लिएर नमुना गाउँपालिका बनाउने आफ्नो सपना रहेको बताए ।

भष्ट्राचार मुक्त र शुसासन युक्त शासन प्रणाली आफनो अभिष्ट भएको हुँदा अविचलित रुपमा जनताको काम गर्ने बताउँदै अध्यक्ष श्रेष्ठले जुन विश्वासका साथ जनताले आफुलाई निर्वाचित गरेका छन् त्यो विश्वास गुम्न नदिने प्रतिवद्धता जनाए ।

सेयर गर्नुहोस्

प्रतिक्रिया दिनुहोस्

सम्बन्धित खवर